9112Punëtorë shërbimi dhe ndihmës në hotele dhe zyra dhe njësi të tjera

Përshkrimi

Punëtorë shërbimi dhe ndihmës në hotele dhe zyra dhe njësi të tjera kryejnë detyra të ndryshme pastrimi me qëllim që të mbajnë pastër dhe me rregull ambientin e brendshëm dhe mobilimin e hoteleve , zyrave dhe ambienteve të tjera të ngjashme. Ai kryen detyra të tilla në avionë, trena, autobusë dhe në automjete të tjera të ngjashme.

Detyrat kryesore

• Përgatitin zyrën apo dhomën gati për ta pastruar;
• Lajnë dhe pastrojnë dyshemenë, mobiliet, pajisjet dhe sendet e tjera në hotele zyra dhe në njësi të tjera të ngjashme;
• Marrin pluhurat në dhoma dhe në mobiliet përkatëse;
• Rregullojnë shtretërit, pastrojnë banjën dhe e pajisin atë me peshqirë, sapunë dhe të tjera të ngjashme;
• Ndihmojnë në përgatitjen e vakteve të ngrënies e lajnë pjatat;
• Mbajnë pastër, dezinfektojnë, aromatizojnë kuzhinat, dhomat e dushit si edhe tualetet;
• Marrin porosi për larje apo hekurosje rrobash;
• Kujdesen që zyrat dhe dhomat të jenë të sigurta për të ruajtur privatësinë e klientëve;
• Lajnë e pastrojnë në korridore;
• Ruajnë dhe kujdesen për pajisjet në zyra dhe sipërfaqet jashtë hoteleve;
• Kujdesen që të plotësojnë ankesat e klientëve apo të zyrtarëve në lidhje me pastrimin;
• Kryejnë punë të tjera të ngjashme si këto;
• Zbatojnë rregullat në mbrojtje të mjedisit dhe shëndetit të njerëzve;
• Zbatojnë rregullat e sigurimit teknik gjatë punës.

Kërkesat

• Të ketë arsimin e detyrueshëm shkollor i cili është i mjaftueshëm por përfundimi i shkollës së mesme përbën element favorizues.
• Të jetë e/i aftë të ndjekë udhëzimet.
• Të ketë aftësi për të kushtuar vëmendje në detaje.
• Të jetë e/i aftë fizikisht dhe mendërisht, me zotësi të plotë për të punuar.
• Të jetë në gjendje të punojë në mënyrë të pavarur dhe të zgjidhë vetë problemet që dalin.

Informacion shtesë

Individi që kërkon të punësohet, duhet të tregojë se është e/i përkushtuar në punë, e/i besueshëm dhe me mirësjellje;

Eksperienca në këtë profesion jashtë vendit duhet të reklamohet pasi vlerësohet;

Rritja e njohurive të kulinarisë, sjellja me klientët rrit vlerën e këtij profesioni dhe shton kërkesën për punësim;

Marrja e licencës për të kryer aktivitet të biznesit të vogël, kryhet sipas kuadrit ligjor në fuqi.