831Drejtues lokomotive dhe punëtorë të tjerë që lidhet me to

Përshkrimi

Drejtues lokomotive dhe punëtorë të tjerë që lidhen me to drejtojnë lokomotivën për transportin e pasagjerëve dhe mallrave, marrin përgjegjësi dhe kujdesen për sigurinë e pasagjerëve dhe mallrave gjatë transportit, kontrollojnë lëvizjet e trafikut të hekurudhës me anë të sinjaleve, ndërrojnë drejtimin e shinave dhe ndalojnë trenat në stacion, drejtojnë trenat që të marrin mineralet në minierë dhe kontrollojnë lëvizjet e tyre.

Detyrat kryesore

• Drejtojnë lokomotivën për transportin e pasagjerëve dhe mallrave sipas rregulloreve të transportit hekurudhor;
• Mbikëqyrin dhe drejtojnë sinjalet e hekurudhës për të siguruar një transport të sigurt;
• Ndryshojnë drejtimin e shinave sipas destinacionit të udhëtimit;
• Ndalojnë trenat në stacion përkatëse në oraret e përcaktuara;
• Drejtojnë trenat në miniera dhe kontrollojnë lëvizjet e tyre;
• Marrin përgjegjësi dhe kujdesen për sigurinë e pasagjerëve dhe mallrave gjatë transportit;
• Kontrollojnë lëvizjet e trafikut të hekurudhës me anë të sinjaleve përkatëse;
• Asistojnë në mirëmbajtjen e motorit të lokomotivës dhe vagonëve;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i një shkolle profesionale në këtë fushë.
• Të ketë kryer një kurs formimi profesional për këtë profesion.
• Të jetë e/i aftë fizikisht dhe mendërisht.
• Të jetë i aftë dhe i shkathët në përdorimin e mjeteve dhe makinerive të punës.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një drejtues lokomotive mund të ndërmarrë disa funksione mbikëqyrëse duke ngritur shkallët e karrierës.

Të ketë njohuri në mirëmbajtjen e lokomotivës.

Për të zhvilluar aktivitet privat (vetëpunësim) në këtë fushë, duhet regjistrimi për ushtrim aktiviteti si person fizik apo juridik, sipas rastit.