7543Testues dhe klasifikues të produkteve (përjashtuar ushqimet dhe pijet)

Përshkrimi

Testuesit dhe klasifikuesit e produkteve(përjashtuar ushqimet dhe pijet) inspektojnë, testojnë, zgjedhin, peshojnë mallrat, pjesët përbërëse të prodhuara si dhe mallrat e prodhuara ose të shitura për të siguruar përputhshmërinë me standardet e cilësisë me qëllim që të identifikojnë defektet dhe shmangiet nga standardet.

Detyrat kryesore

• Testojnë produktet, nënproduktet, pjesët dhe materialet në përputhje me standardet;
• Refuzojnë ose pranojnë produktet, nënproduktet, materialet dhe pajisjet që nuk i plotësojnë standardet bazë;
• Analizojnë dhe interpretojnë produktet, të dhënat dhe materialet specifike;
• Zbatojnë procedurat e inspektimit dhe testimit;
• Njoftojnë mbikëqyrësit ose personelin në lidhje me probleme të prodhimit si edhe ndihmojnë në identifikimin dhe korrigjimin e problemeve;
• Kontrollojnë regjistrimin dhe testimin e të dhënave si pesha, temperatura, përmbajtja e lagështisë, sasia e produkteve etj.;
• Shënojnë artikujt me detaje për pranimin ose refuzimin e produkteve;
• Analizojnë të dhënat e nevojshme për të caktuar rezultatin përfundimtar të testimit;
• Zbatojnë rregullat e mbrojtjes së mjedisit;
• Zbatojnë rregullat etikës në vendin e punës.

Kërkesat

• Zakonisht kërkohet arsim profesional ose një kurs paraprak për hyrje në profesion;
• Të jetë i aftë fizikisht dhe mendërisht me zotësi të plotë për të punuar;
• Të njohë procedurat administrative dhe sisteme të testimit të produkteve;
• Të ketë njohuri elementare të gjuhës angleze apo të gjuhëve të tjera ndërkombëtare.

Informacion shtesë

• Për të zhvilluar aktivitet privat (vetëpunësim) në këtë fushë, duhet regjistrimi për ushtrim aktiviteti si person fizik apo juridik, sipas rastit.