7322Printues

Përshkrimi

Printuesit përgatisin dhe vendosin në punë pajisje të ndryshme që operojnë në format dixhital, letër, litografik, fleksografik, gravurë për prodhimin e medias së shkruar.

Detyrat kryesore

• Bëjnë përgatitjen, përshtatjen dhe monitorimin e mekanizmave që ushqejnë proceset, mekanizmat shpërndarës, sistemin e bojës dhe funksione të tjera të makinave printuese;
• Përziejnë bojën dhe tretësit sipas standardeve dhe rregullojnë bojën dhe letrën gjatë procesit të printimit;
• Monitorojnë, vlerësojnë dhe përcaktojnë pajisjen për të verifikuar standardin e cilësinë e prodhimit kundrejt defekteve;
• Prodhojnë shumëllojshmëri të produkteve të printuara duke përdorur teknikat e relievit, litografikes, fleksografisë dhe gravurës;
• Përgatitin tabakët e letrës për proceset printuese;
• Ngarkojnë letrën në mekanizmat ushqyes;
• Monitorojnë operacionet në makinë dhe cilësinë e printimit;
• Mirëmbajnë, përshtatin, riparojnë dhe pastrojnë makinat;
• Prodhojnë imazhe dixhitale dhe i transferojnë në format final.

Kërkesat

• Zakonisht kërkohet përfundimi i një kualifikimi profesional për këtë fushë.
• Të jetë e/i aftë fizikisht dhe mendërisht.
• Të ketë njohuri në përdorimin e mjeteve të tjera te ngjashme.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një printues mund të ndërmarrë disa funksione mbikëqyrëse duke ngritur shkallët e karrierës.

Për të zhvilluar aktivitet privat (vetëpunësim) një printues duhet regjistrimi për ushtrim aktiviteti si person fizik ose juridik, sipas rastit.

Të ketë njohuri për mirëmbajtjen e makinerive të printimit.