631Prodhues të produkteve bujqësore për nevoja familjare

Përshkrimi

Prodhuesit e produkteve bujqësore për nevoja familjare kryejnë veprime të nevojshme për kultivimin dhe korrjen e drithërave, për kultivimin e perimeve, të bimëve mjekësore dhe bimë tjera, të prodhimeve të kopshtarisë, të produkteve nga fidanishtet, për kultivimin e pemëve, shkurreve dhe bimëve të tjera për përdorime vetjak. Ata mund të punësohen në kompani, ferma të ndryshme të prodhimeve bujqësore apo të vetëpunësohet.

Detyrat kryesore

• Kryejnë përgatitjen e tokës për mbjellje;
• Sigurojnë farat, fidanët e duhur dhe pesticidet;
• Bëjnë kultivimin e fidanëve për mbjellje;
• Kryejnë mbjelljen dhe kultivimin e kulturave të ndryshme bujqësore;
• Kultivojnë pemë frutore, shkurre apo kultura të tjera;
• Kryejnë korrjen apo grumbullimin e produkteve të ndryshme bujqësore dhe mbledhjen e frutave;
• Kryejnë veprimet e duhura për magazinimin dhe ruajtjen e prodhimeve bujqësore për përdorim të mëvonshëm;
• Kryejnë disa përpunime të prodhimeve bujqësore për nevoja familjare apo për shitje në tregje lokale;
• Grumbullojnë dru zjarri për nevoja familjare;
• Realizojnë detyra të tjera të ngjashme;
• Mbikëqyrin punëtorët e tjerë.
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Të ketë kualifikim profesional në fushën përkatëse.
• Të ketë eksperiencë dhe njohuri në këtë fushë.
• Të jetë e/i aftë fizikisht dhe mendërisht.