5419Punëtorë të tjerë të shërbimeve të mbrojtjes të pa klasifikuar diku tjetër

Përshkrimi

Punëtorë të tjerë të shërbimeve të mbrojtjes të paklasifikuar diku tjetër mbrojnë sigurinë në banka, kisha, parqe lojërash, plazhe, pyje, etj. si edhe kujdesen për këto objekte; kërkojnë përforcime në raste nevoje.

Detyrat kryesore

• Patrullojnë në plazhe, pishina, etj. për parandalimin e aksidenteve;
• Ruajnë dhe kujdesen për parqet e lojërave;
• Monitorojnë trafikun dhe raportojnë për ndodhi të pazakonta ndaj personave të tretë
• Patrullojnë në plazhe dhe kujdesen për sigurinë fizike të pushuesve;
• Ruajnë pyjet dhe sigurojnë mbrojtjen nga keqtrajtime të mundshme;
• Shoqërojnë dhe mbajnë përgjegjësi për sigurinë e makinës së bankës gjatë udhëtimeve;
• Drejtojnë trafikun në rrethana dhe vende të caktuara;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Të njohë pajisjet përkatëse të punës, politikat dhe procedurat për të ofruar sigurinë e kërkuar.
• Të japë vëmendjen e duhur për çka flasin njerëz të tjerë, të kuptojë thelbin e çështjes.
• Të bëjë pyetje dhe të marrë masat në rast nevoje për ndërhyrje.
• Të komunikojë me njerëz të tjerë për të marrë informacione të sakta.
• Të përdorë drejt logjikën dhe arsyen në veprimet e veta.
• Të jetë e/i aftë të vëzhgojë detaje të holla në distancë.
• Të kuptojë dhe të kuptohet qartë në komunikimin me njerëzit

Informacion shtesë

Për të filluar punë në këtë profesion nuk ka kërkesa specifike për shkollim, por sa më i latë të jetë niveli i dijes, si edhe aftësia fizike e mendore për të punuar në këtë profesion aq më shumë krijohen mundësi për një pozicion të qëndrueshëm në punë.

Për fillimin e një aktivitetit privat, kërkohet zbatimi i ligjeve përkatëse në fuqi.