531Punonjës të kujdesit për fëmijë dhe asistent mësues

Përshkrimi

Punonjës të kujdesit për fëmijë dhe asistent mësues ofrojnë kujdes e mbikëqyrje për fëmijët në shkolla, në shtëpi dhe ambiente të tjera që janë në shërbim të fëmijëve.

Detyrat kryesore

• Ndihmojnë fëmijët në mënyrë individuale për të përftuar aftësi të jetës në shoqëri;
• Kontrollojnë dhe marrin pjesë në aktivitete që rrisin kapacitetet fizike, shoqërore, emocionale dhe intelektuale të fëmijëve në arsimin parashkollor dhe atë fillestar shkollor;
• Ndihmojnë në përgatitjen e materialeve dhe pajisjeve që duhen për shkollë dhe aktivitete jashtë-shkollore, në vende rekreative apo qendra ditore.
• Mbikëqyrin veprimet në lojëra që organizohen në mënyrë spontane, të pa planifikuara;.
• Organizojnë aktivitete duke marrë në konsideratë moshën dhe njohuritë e fëmijëve;
• Zbatojnë rregullat në mbrojtje të mjedisit dhe shëndetit të njerëzve;
• Zbatojnë rregullat e etikës në vendin e punës;
• Zbatojnë rregullat e sigurimit teknik në punë.

Kërkesat

• Të ketë arsimimin profesional përkatës.
• Të tregojë entuziazëm para fëmijëve dhe kolegëve.
• Të jetë person energjik, e/i palodhur në punën me fëmijët dhe me eprorët.
• Të jetë e/i aftë të përshtatet në kushtet që paraqiten.
• Të jetë e/i durueshëm në komunikim me fëmijët dhe kolegët.
• Të jetë e/i përgjegjshëm për veprimet që kryen.

Informacion shtesë

Niveli i mesëm i shkollimit është i domosdoshëm, por përfundimi i niveleve më të larta jep shumë përparësi në punësim.

Përfundimi i shkollimit të lartë në degën e mësuesisë jep mundësinë për të marrë titullin mësues i arsimit fillor.

Për të qenë e/i suksesshëm në punë, vëmendje duhet kushtuar kontrollit të përditshëm të veprimtarisë së përbashkët shkollë-familje, mësues-prindër.

Në raste të caktuara kërkohet të punohet me orë të zgjatura, në shtëpi të fëmijëve apo në qendrat përkatëse dhe kjo mund të kërkojë më shumë përkushtim e energji të cilat rezultojnë në të mirë të punës.

Për të zhvilluar aktivitet privat (vetëpunësim) në këtë fushë duhet regjistrimi për ushtrim aktiviteti si person fizik apo juridik, sipas rastit.