5162Shoqërues dhe shërbyes

Përshkrimi

Shoqërues dhe shërbyes ofron shoqëri dhe shërbime tek klientët sipas porosisë/nevojës së tyre. Në këtë kategori përfshihen kryesisht punonjësit e gardërobës në hotele apo shërbyesit personal që shoqërojnë klientin gjithkund sipas nevojave.

Detyrat kryesore

• Ofrojnë shoqërim ndaj klientëve në vende të ndryshme, duke i lexuar, duke biseduar dhe duke marrë pjesë bashkërisht në aktivitete të tilla si takime biznesi, sport, ceremoni festive etj;
• Shoqërojnë vizitorët në shtëpitë e klientëve të tyre;
• Parkojnë makinën e pronarit klient të tij;
• Mbajnë valixhet dhe shoqërojnë pushuesit/klientët në hotele;
• Dëgjojnë dhe raportojnë ankesat e klientëve në hotele;
• Shoqërojnë personalitete në ambiente brenda dhe jashtë hotelit;
• Sigurojnë mirëmbajtjen e veshjeve dhe sendeve të tjera të klientëve;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Të jetë e/i shpejtë i shkathët dhe i saktë në veprimet që kryen.
• Të jetë e/i kujdesshëm dhe i mirënjohur për veprimet që kryen.
• Të jetë e/i sjellshëm me të gjithë personat e tjerë që i shërbejnë klientit.
• Të jetë e/i fuqishëm me rezistencë për të punuar me orë të gjata, në këmbë pa u ulur.
• Të demonstrojë aftësi komunikimi miqësor me klientët e tij.
• Të jetë e/i saktë në dhënien e informacionit rreth shërbimeve që ofrohen.
• Të dijë të punojë vetëm dhe në ekip.
• Të njohë mirë gjuhën amtare dhe të ketë njohuri elementare të gjuhës Angleze.

Informacion shtesë

• Nuk ka kërkesa specifike shkollimi , porse shkollimi i detyrueshëm shtetëror duhet të jetë i përfunduar.
• Duhet të jetë e/i pajisur me leje drejtimi automjeti.
• Korrektësia në këtë punë ka një rendësi të veçantë.