5153Administrator ndërtesash

Përshkrimi

Administratori i ndërtesave organizon, mbikëqyr dhe kryen funksionet e kontrollit të mirëmbajtjes së ambienteve të brendshme dhe të jashtme të ndërtesave. Kontrollon dhe merr masat e duhura për funksionimin normal të pajisjeve elektrike, furnizimit me ujë, kontrollon mirëfunksionimin e sistemeve të alarmeve, të sistemit video etj.

Detyrat kryesore

• Kujdesen për heqjen e mbetjeve dhe mbeturinave në ambientet përreth ndërtesave;
• Kontrollojnë mënyrën dhe cilësinë e pastrimit në ambientet e jashtme dhe të brendshme të ndërtesave;
• Kujdesen për riparimin e çelësave dhe drynave të hyrjes qendrore të ndërtesave;
• Marrin masa për fshirjen e grafiteve dhe ngjyrosjeve të tjera mbi muret të ndërtesave;
• Njoftojnë elektricistët për probleme të mundshme me instalimet elektrike;
• Sigurojnë që paneli i kontrollit të sahateve elektrikë të jetë në gjendjen e duhur;
• Kujdesen për funksionimin normal të kabllove të përbashkëta televizivë e kompjuterikë;
• Inspektojnë pajisjet e furnizimit me ujë dhe njoftojnë riparuesit përkatës për ndërhyrjet e duhura;
• Kujdesen për gjendjen e përgjithshme të ndërtesave dhe ambienteve përreth tyre;
• Zbatojnë rregullat në mbrojtje të mjedisit dhe shëndetit të njerëzve;
• Zbatojnë rregullat e etikës në vendin e punës;
• Zbatojnë rregullat e sigurimit teknik në punë.

Kërkesat

• Niveli i mesëm i shkollimit është më se i mjaftueshëm.
• Të njohë e të zbatojë masa parandaluese në trajtimin e ndërtesave dhe ambienteve përreth.
• Të ketë aftësi të organizojë njerëzit në të gjithë llojet e kushteve të motit.
• Të ketë njohuri të plota mbi mënyrën e kontrollimit të ndërtesave dhe të verifikojë rastet e mundshme të vandalizmit.
• Të ketë njohuri mbi veglat e punës që përdoren në riparime të lehta që nuk kërkojnë aftësim ekspertizë të nivelit të lartë.
• Të njohë dhe të inkurajojë zbatimin e rregullave sanitare në heqjen e mbeturinave.
• Të njohë procedurat e trajtimit dhe mirëmbajtjes në rastet e përdorimit të pajisjeve elektrike.
• Të njohë e të zbatojë procedurat në raste të bllokimit të ujërave të zeza dhe të bardha.
• Të jetë i/e shkathët në komunikim dhe i aftë fizikisht për të kryer profesionin e administratorit të ndërtesave.

Informacion shtesë

• Trajnimet apo kualifikimet e mëtejshme japin përparësi për punësim.
• Disa njohuri bazë mbi sistemin elektrik apo furnizimin me ujë, mbi mjetet dhe pajisjet që përdoren për realizimin e këtyre shërbimeve, e bëjnë më të lehtë gjetjen e vendit të punës.
• Për të qenë e/i suksesshëm në punë, vëmendje duhet kushtuar kontrollit të përditshëm të ambienteve të brendshme dhe të jashtme të ndërtesave.
• Në raste të caktuara të emergjencës kërkohet të punohet me orë të zgjatura dhe kjo mund të kërkojë më shumë përkushtim energji të cilat rezultojnë në të mirë të punës.
• Për tu vetëpunësuar si aktivitet privat, kërkohet marrja e licencës sipas ligjeve në fuqi.