5120Kuzhinierë

Përshkrimi

Kuzhinieri planifikon, organizon, përgatit dhe gatuan ushqimin në hotele, restorante, spitale dhe vende tjera publike ku shërbehen ushqime të gatuara; në bordin e anijeve, në trena të udhëtarëve, në shtëpi private etj.. Ai kryen matje dhe peshime për përgatitjen dhe gatimin e ushqimeve, si dhe përgatit pjatat për servirje me estetikën dhe garniturën e duhur. Ai mund të punësohet në hotele, restorante, spitale, në bordin e anijeve, në trena të udhëtarëve, në shtëpi private dhe vende të tjera publike ku shërbehen ushqime të gatuara apo të vetëpunësohet.

Detyrat kryesore

• Veshin uniformën e punës dhe kryejnë higjienën personale (larja e duarve etj.);
• Përgatitin vendin e punës;
• Përgatitin mjetet e nevojshme të punës në kuzhinë;
• Planifikojnë ushqimet që do të gatuhen;
• Kontrollojnë asortimentet dhe bëjnë inventarin e tyre;
• Hartojnë listën e furnizimin ditor;
• Kryejnë furnizimin ditor;
• Bëjnë kontrollin organo-leptik të lëndës së parë që do të përdoret për gatim;
• Pastrojnë produktet e planifikuara për gatim;
• Përgatitin lëndët bazë të menysë ditore;
• Kontrollojnë cilësinë e ushqimeve dhe datën e skadencës së tyre;
• Peshojnë produktet e planifikuara për gatim;
• Kryejnë matjen e produkteve të planifikuara për gatim;
• Bëjnë përgatitjen e salcave bazë për ditën e punës;
• Përgatitin sallatat, supat dhe antipastat sipas porosisë së klientit;
• Parapërgatitin elementët e nevojshëm për të gatuar ushqimet e planifikuara;
• Bëjnë zierjet dhe pjekjet sipas kërkesave teknike të gatimit të produkteve ushqimeve apo kërkesave të klientit;
• Organizojnë punën në kuzhinë;
• Koordinojnë proceset e punës të ndihmësve në kuzhinë;
• Përgatitin produkte dhe artikuj ushqimor të ndryshëm sipas porosisë;
• Përziejnë produktet e duhura gjatë gatimit;
• Përgatitin përbërësit bazë të ushqimeve që do të gatuajnë, sipas recetave apo sipas gjykimit personal;
• Rregullojnë temperaturën e furrave, grillave dhe pajisjeve të tjera për gatim;
• Përgatitin pjatat për servirje me estetikën dhe garniturën e duhur;
• Mbikëqyrin pastrimin e kuzhinës, të pajisjeve të kuzhinës, të ambientit të shërbimit, etj. për të siguruar higjiene dhe ushqim të sigurt;
• Kryejnë trajtimin e duhur sanitaret produkteve ushqimore apo pajisjeve sipas kërkesave teknike;
• Kryejnë përgatitjen e ushqimeve për shërbim, shitje etj;
• Përgatitin dhe përzgjedhin produkte ushqimore për shërbime katering, etj.
• Kryejnë paketimin e ushqimeve sipas porosive;
• Bëjnë ruajtjen e mishit, peshkut dhe produkteve të tjera ushqimore në kushtet teknike dhe frigoriferike të kërkuara;
• Kontrollojnë faturat e pagesave për blerjet dhe shitjet e bëra, evidencat e ndryshme;
• Bëjnë bilancin e hyrje-daljeve në njësinë e shërbimit;
• Koordinojnë punën me kolegët për shërbim në kohë dhe me cilësi të klientit;
• Komunikojnë me kolegët dhe klientin;
• Zbatojnë rregulloret e njësisë së shërbimit dhe urdhrat e ditës;
• Realizojnë detyra të ngjashme;
• Mbikëqyrin punëtorët e tjerë:
• Pastrojnë vendin, mjetet dhe pajisjet e punës;
• Zbatojnë rregullat e sigurimit teknik dhe të mbrojtjes së mjedisit;
• Bëjnë preventiv për shërbimet e ndryshme që realizohen në njësinë e biznesit.

Kërkesat

• Zakonisht kërkohet përfundimi i një shkolle profesionale në këtë fushë.
• Të ketë kryer një kurs formimi profesional për këtë profesion.
• Të ketë një eksperiencë pune paraprake në këtë fushë.
• Të jetë i/e aftë fizikisht dhe mendërisht;
• Të ketë aftësi komunikuese.

Informacion shtesë

• Një individ mund të hyjë në profesion si ndihmës në kuzhinë ose lavapjatës. Me fitimin e eksperiencës dhe me kualifikimin shtesë mund të kalojë në nivelin ndihmës kuzhinier e kuzhinier. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një kuzhinier mund të ndërmarrë disa funksione mbikëqyrëse duke ngritur shkallët e karrierës në kuzhinier i tretë, i dytë, kuzhinier i parë dhe shef të kuzhinës. Me ndjekjen e një shkolle të lartë si dhe diplomimin e tij në Hoteleri-Turizëm arrin në nivelin e manaxherit të pijeve dhe ushqimit dhe manaxher turizmi.
• Punonjësit në këtë profesion mund të specializohen në fushat e mëposhtme, të tilla si: kuzhinier për mish, peshk, dieta të veçanta, pica, për pasta (makarona), për shërbime katering, etj.
• Për të zhvilluar aktivitet privat (vetëpunësim) në këtë fushë duhet regjistrimi për ushtrim aktiviteti si person fizik apo juridik, sipas rastit.