5112Drejtues të mjeteve të transportit

Përshkrimi

Drejtuesit e mjeteve të transportit drejtojnë mjetet e transportit dhe mundësojnë sigurinë e udhëtarëve gjatë udhëtimit me autobus, tren, anije, avionë.

Detyrat kryesore

• Drejtojnë mjetet e udhëtimeve si autobus/tren/anije/avion;
• Kujdesen për sigurinë e udhëtarëve gjatë udhëtimit;
• Zbatojnë koordinatat e ajrit në udhëtimet me avion;
• Verifikojnë sigurinë e aeroporteve në ngritjet dhe uljet me avion;
• Kontrollojnë autobusin për siguri përpara nisjes;
• Marrin masat e duhura në raste emergjence apo aksidente;
• U përgjigjen kërkesave të udhëtarëve në lidhje me ndalesat;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës;
• Zbatojnë rregullat e sigurimit teknik në punë.

Kërkesat

• Për hyrjen në këtë profesion individit i kërkohet përfundimi i arsimit të detyrueshëm shkollor. Arsimi i mesëm përbën avantazh.
• Të jetë e/i pajisur me leje drejtimi përkatëse për vozitjen e mjetit.
• Të jetë individ i/e orientuar drejt ofrimit të shërbimeve dhe ndihmës ndaj njerëzve.
• Të ketë aftësi të mira komunikimi me njerëzit.
• Të kuptojë drejt reagimet e njerëzve.
• Të japë vëmendje të shtuar bisedave dhe reagimeve të pasagjerëve.
• Të ketë aftësi të reagojë pa krijuar panik, në raste kur diçka nuk shkon mirë.
• Të njohë dhe të zbatojë parimet e shërbimeve ndaj klientit.
• Të ketë njohuri bazë për çështjet e sigurisë së udhëtimit dhe sigurisë lokale e kombëtare.
• Të ketë njohuri në fushën e mjekësisë, sidomos në ndihmën e shpejtë.

Informacion shtesë

Aftësitë e mira të komunikimit me njerëzit dhe aftësia për të kuptuar drejt reagimet e njerëzve përbëjnë avantazh.