4214Nëpunës i mbledhjes së borxheve të ndryshme

Përshkrimi

Punonjësi në këtë kategori mbledh borxhet e ndryshme prej debitorëve. Debitorët mund të jenë debitorë qirash, debitorë me pagesa të prapambetura,etj. Nëpunësi i mbledhjes së borxheve ka për detyrë të punojë në zyrë ose të shkojë tek ambientet e debitorëve për mbledhjen e borxheve.

Detyrat kryesore

• Plotësojnë, sistemojnë dhe mirëmbajnë dosjet e klientëve;
• Kontaktojnë debitorët për pagesën në kohë të borxheve të mbetura;
• Përgjigjen për ruajtjen e të dhënave të debitorëve në arkiva manuale ose elektronike;
• Mbledhin faturat ku verifikohet borxhi i mbetur nga ana e debitorëve;
• Paraqesin tek debitorët pasojat dhe informacionet e tjera në rastet e shumave të papaguara prej tyre;
• Ndjekin lëvizjet e adresave të debitorëve, kur ata nuk paraqiten për një kohë relativisht të gjatë;
• Marrin kontakt me debitorët në rastet kur ata nuk paraqiten në zyrën e mbledhësit të borxheve;
• Hyjnë në kontakt për bisedime në raste kur klienti është në vështirësi pagese;
• Mbledhin shuma parash të nevojshme në favor të shoqatave bamirëse;
• Japin informacione me qëllim shpenzimet e shumave të dhuruara nga individët;
• Japin mendim për ndjekje ligjore kur detyrimet mbeten të pa paguara;
• Mbajnë kontakt me përmbarues për të koordinuar veprimet sipas rasteve të paraqitura;
• Mbledhin paratë e qirave nga qiramarrësit;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Nuk ka kërkesa specifike për këtë profesion por shkollimi në fushën ekonomike jep përparësi në punësim;
• Vlerësohen eksperienca të mëparshme në profesione të ngjashme si kontrollues krediti, llogaritar etj...
• Formimi arsimor dhe njohja e programeve kompjuterike të posaçme të fushës përbëjnë elementë favorizues;
• Komunikimi i mirë, me qetësi dhe me takt me klientët është element që jep qëndrueshmëri.

Informacion shtesë

• Trajnimi dhe kualifikimi kryhet gjatë kohës që jeni I angazhuar në punë
• Trajnimet kryhen në fusha të tilla si teknikat e komunikimit në telefon; ligjet mbi kredinë; vendimet e gjykatës dhe zbatimet e tyre; procedurat në rast mosmarrëveshjesh etj.