4213Nëpunës dhënës kredish

Përshkrimi

Nëpunës dhënës kredish kryejnë të gjitha shërbimet në favor të klientëve që aplikojnë për kredi; regjistron të dhënat, kontrollon të ardhurat dhe verifikon të gjithë dokumentet e nevojshme të klientëve përfitues të kredisë.

Detyrat kryesore

• Regjistrojnë të dhënat e klientëve që aplikojnë për kredi;
• Intervistojnë klientët dhe verifikojnë të dhënat e tyre;
• Mbledhin dokumentet e nevojshme të klientit, personale dhe financiare;
• Marrin kontakt dhe bëjnë takime të nevojshme me klientët në raste të veçanta;
• Bëjnë kërkime e verifikime në regjistrin e Bankës së Shqipërisë kur klienti bën kërkesë për kredi;
• Njoftojnë klientët për dhënien e kredisë për rastet e plotësimit apo plotësimit të kushteve për dhënie kredie;
• Kontrollojnë kolateralet për gjendjen e tyre duke iu referuar kredisë së kërkuar;
• Sqarojnë e ndihmojnë klientët për procedurat e kërkesave për kredi;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i arsimit të mesëm; arsimimi i lartë jep prioritet të lartë për punësim;
• Të ketë aftësi të mbajë regjistrime të sakta;
• Të ketë aftësi të përdorë gjykim të pavarur në favor të suksesit të punës;
• Të ketë aftësi të komunikojë me njerëzit edhe në situata të komplikuara
• Të njohë mirë punën me shkresa e dokumentet zyrtare;
• Të jetë i aftë të punojë në ekip;
• Të dijë të analiza të situatës dhe t’i japë zgjidhje problemeve që dalin;
• Të jetë i aftë të dëgjojë klientët dhe të komunikojë me ata me gojë e me shkrim ;
• Të ketë vëmendje të përqëndruar për detaje të holla, që duken si të parëndësishme;
• Të dijë të menaxhojë drejtë kohën e punës.

Informacion shtesë

Punësimi bëhet me i lehtë në raste kur është përfunduar një shkollë e mesme profesionale dhe janë kryer kurse kualifikimi e trajnime të posaçme për këtë profesion.