4212Arkëtarë dhe plotësues faturash të ndryshme, krupier (punonjës kazinoje, bastesh dhe lojëra të tjera fati)

Përshkrimi

Profesionisti në këtë kategori organizon lojëra fati, mbledh paratë, regjistron lojtarët gjatë zhvillimit të lojërave të fatit.

Detyrat kryesore

• Regjistrojnë lojtarët në tavolinat e pokerit në salla kazinoje;
• Mbledhin paratë në tavolinat e bixhozit;
• Organizojnë bastet për garat e kuajve;
• Regjistrojnë lojtarët në bastet e kuajve;
• Japin paratë fituesve të lojërave të bixhozit;
• Organizojnë lojërat e fatit sipas kërkesave të përcaktuara;
• Shesin biletat e lotarive në këmbim të parave;
• Regjistrojnë të dhënat e blerësve të biletave;
• Regjistrojnë ndeshjet e përcaktuara nga lojtarët në kompanitë e basteve;
• Paguajnë fituesit në lotot e sportit;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Kërkohet përfundimi i arsimit të detyrueshëm shkollor; niveli i mesëm përbën favor;
• Të jetë i aftë fizikisht dhe mendërisht me zotësi të plotë për të punuar;
• Eksperienca fitohet gjatë punës;
• Të ketë njohuri praktike në trajtimin e parave;
• Të dijë të mbajë shënime në regjistrat përkatës;
• Të jetë i aftë të komunikojë me të tjerët.

Informacion shtesë

• Meqenëse lojërat e fatit në shumicën e rasteve qëndrojnë hapur 24 orë në ditë në çdo ditë të javës, kërkohet të punohet me orë të zgjatura, natën dhe në fundjavë.
• Individi duhet të pranojë dhe të mësohet të punojë në ambient me zhurmë me orë të zgjatura.
• Individët duhet të jenë njerëz të qëndrueshëm dhe me durim në punë me njerëzit.