4211Arkëtarë banke dhe nëpunës të tjerë që lidhen me të

Përshkrimi

Arkëtari i bankësdhe nëpunës të tjerë që lidhen me të merr në dorëzim shuma të parave të dorëzuara nga klientët. Ky profesion përfshin procesin nga dorëzimi i parave deri në regjistrimin dhe ruajtjen në dosje të gjithë të dhënave duke filluar nga të dhënat e klientit deri në sasinë e parave të marra.

Detyrat kryesore

• Pranojnë para prej klientëve dhe verifikojnë deklarimet e tyre;
• Identifikojnë klientin në momentin që ai/ajo paraqitet pranë arkës së bankës;
• Regjistrojnë shumat e parave të marra ose të dhëna në favor të klientit;
• Informojnë klientët me informacionet e nevojshme për sa i përket komisioneve në bankë;
• Përgatitin dosjet me të dhënat kryesore për çdo shkëmbim të bërë gjatë ditës së punës;
• Pranojnë para të huaja duke i shkëmbyer me para vendase;
• Pranojnë çeqe vendas e të huaj dhe këmbejnë para të valutave të huaja;
• Informojnë klientët me informacionin e duhur përsa i përket kursit të këmbimit;
• Pranojnë para në zyra poste në këmbim të shërbimeve të ofruara nga posta;
• Kryejnë transferta të ndryshme;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i arsimit të mesëm;
• Përfundimi i arsimit të mesëm profesional në ekonomik apo shkollimi më i lartë jep më shumë shanse për punësim;
• Të jetë i aftë fizikisht dhe mendërisht me zotësi të plotë për të punuar.
• Të ketë njohje të mira e trajnime për mbajtjen e dokumentacionit ;
• Të dijë të ruajë konfidencialitetin e informacionit;
• Të dijë të marrë dhe të zbatojë urdhrat prej eprorëve;
• Të jetë i orientuar drejt shërbimit ndaj klientit;
• Të sigurojë zbatimin e rregullave të mbrojtjes së mjedisit;
• Të zbatojë kodin etikë të qëndrimit në punë.

Informacion shtesë

Eksperienca e punës me para kesh fitohet me kalimin në kohë në këtë pozicion.

Përkushtimi në punë dhe trajnimi dhe shkollimi i mëtejshëm të japin shanse për të ngjitur më lartë pozicionin në punë.