3342Sekretarë ligjorë

Përshkrimi

Sekretari/ja gjyqësor ligjor kryen detyra procedurale, administrative dhe koordinuese në përputhje me legjislacionin procedural gjyqësor në fuqi. Ai/Ajo përgatit, përpunon, ruan dosjet e papërfunduar, mban regjistrat dhe regjistrime të nevojshme nëpërmjet programeve të duhura kompjuterike ose manuale, vërteton aktet e gjykatës dhe lëshon vërtetime apo kopje të njësuara me origjinalin të akteve procedurale gjyqësore, si dhe përgatit statistika të gjykatës, nën drejtimin e kancelarit, sipas kritereve të përcaktuara duke qenë përgjegjës për saktësinë e të dhënave. Ai/Ajo mund të punësohet në gjykata të niveleve të ndryshme, prokurori, në institucionin e avokatit të popullit, në studio avokatie, institucione të tjera të drejtësisë...apo institucione të tjera.

Detyrat kryesore

• Kryejnë detyra procedurale dhe koordinuese në përputhje me legjislacionin gjyqësor në fuqi, duke respektuar varësinë hierarkike;
• Përgatitin dhe përpunojnë dokumente ligjore dhe materiale të tjera;
• Vërtetojnë aktet e gjykatës dhe lëshojnë vërtetime apo kopje të njësuara me origjinalin të akteve procedurale gjyqësore;
• Përgjigjen për krijimin e dosjeve, regjistrimin dhe zbatimin e urdhrave të shpallur apo të nxjerrë nga gjykatat dhe gjyqtarët;
• Kryejnë mbajtjen dhe ruajtjen e dosjeve apo dokumenteve të tjera deri në momentin e arkivimit të tyre;
• Mbajnë regjistrat dhe regjistrime e nevojshme nëpërmjet programeve të duhura kompjuterike ose në mënyrë manuale;
• Organizojnë, menaxhojnë dhe mbikëqyrin personelin në aspektin procedural teknik nën drejtimin e kancelarit;
• Nxitin përdorimin e mjeteve të disponueshme teknike, audiovizive dhe kompjuterike, atje ku ato ofrojnë shërbimin e tyre;
• Bashkëpunojnë me autoritetet tatimore për çështjet e taksave dhe tarifave gjyqësore;
• Përgatitin statistika të gjykatës, nën drejtimin e kancelarit, sipas kritereve të përcaktuara dhe është përgjegjës për saktësinë e të dhënave;
• Bashkëpunojnë me kryesekretar dhe nëpunës gjyqësor për zhvillimin e proceseve, për përgatitjen e dokumenteve, vërtetimeve, njoftimeve dhe akteve të tjera të kërkuara prej tyre, nën drejtimin e kancelarit;
• Marrin pjesë në seanca gjyqësore dhe marrin masa për zbatimin e urdhrave të gjykatës për njoftimin e dëshmitarëve, ekspertëve dhe të pjesëmarrësve të tjerë në proces;
• Verifikojnë që mjetet dhe pajisjet e nevojshme në gjykim të jenë në kushte të mira për përdorim duke kërkuar, nëse është e nevojshme, praninë e shërbimeve teknike;
• Bashkëpunojnë me nëpunës gjyqësorë për regjistrimin dhe klasifikimin e akteve që dërgohen dhe merren nëpërmjet shërbimit postar;
• Mbajnë shënime lidhur me planifikimin dhe organizimin e takimeve, oraret e takimeve në dispozicion;
• Pranojnë dhe përcjellin mesazhe personave të duhur;
• Kryejnë çdo detyrë tjetër të përcaktuar në legjislacionin në fuqi;
• Raportojnë te eprorët për veprimtarinë e kryer;
• Mbikëqyrin punën e punëtorëve mbështetës në zyrë;
• Zbatojnë kodin e etikës profesionale;
• Zbatojnë rregullat e sigurimit dhe mbrojtjes së shëndetit;
• Zbatojë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet të ketë diplomë bachelor apo një kualifikimi profesional në fushën përkatëse;
• Të jetë i aftë mendërisht.

Informacion shtesë

• Një individ mund të hyjë në profesion si asistent (praktikant) Me eksperiencë dhe me kualifikim shtesë mund të kalojë në nivelin sekretarit gjyqësor/ligjor. Më pas nëpërmjet kualifikimit të mëtejshëm në shkollat profesionale dhe teknike apo trajnimit nëpërmjet punës, një sekretar ligjor mund të ndërmarrë disa funksione mbikëqyrëse duke ngritur shkallët e karrierës në nivel kryesekretar. Ndjekja e shkollës së lartë, çon në diplomimin e specialistëve të këtij profesioni në nivelin e juristit.
• Punonjësit në këtë profesion mund të specializohen në fushat e mëposhtme, të tilla si: Sekretar gjyqësor /ligjor në gjykatë, sekretar gjyqësor/ligjor në zyra avokatie manaxher i praktikave ligjore etj.