3153Mbikëqyrës të sigurisë detare

Përshkrimi

Mbikëqyrësit e sigurisë detare janë përgjegjës për vrojtimin e të gjitha aspekteve që lidhen me kryerjen në mënyrë të sigurtë dhe pa dëme në mjedis të aktivitetit detar, , si dhe në mbikëqyrjen e aspekteve të integritetit strukturor dhe funksional për garantimin e lundrueshmërisë pozitive të mjetit lundrues. Mbikëqyrësit e sigurisë detare zhvillojnë ekspertizë specifike duke përfshirë funksionet e një auditori, investiguesi apo inspektori.

Detyrat kryesore

• Kryejnë hetime të aksidenteve dhe kërkime që ndikojnë në ndryshimet e duhura, në përpjekje për të minimizuar rrezikun në çdo fushë që lidhet me veprimtarinë e mjetit lundrues, përfshirë ndërtimin dhe në operacione të tjera;
• Inspektojnë dhe garantojnë që komponentët e sigurimit dhe makineritë përkatëse janë ndërtuar, funksionojnë dhe mirëmbahen në përputhje me standardet e kërkuara;
• Inspektojnë mjetet lundruese apo platformat e palëvizshme në det për përmbushjen e standardeve të ndërtimit dhe të rregullave të sigurisë;
• Evidentojnë situata të pasigurta dhe njoftojnë autoritetin përkatës;
• Vlerësojnë dhe mund të aprovojnë raportet e sigurisë dhe planet përkatëse;
• Shqyrtojnë dhe vlerësojnë gjendjen, tonazhin e ngarkesave dhe të mjetit lundrues, hetojnë aksidentet në det, përgatisin raporte të aksidenteve në emër të pronarëve / manaxherëve dhe / ose për qëllime të sigurimit;
• Zbatojnë procedura verifikimi, sipas kërkesës së drejtuesve dhe operatorëve të mjetit lundrues.

Kërkesat

• Preferohet arsim i lartë navigacion ose inxhinieri navigacionale dhe një përvojë pune mbi 5 vjet në sektorin detar.
• Aftësi komunikimi profesional me klientët, bashkëpunëtorët, mbikëqyrësit etj.;
• Të ketë aftësi për të vepruar.

Informacion shtesë

Detyrat e Mbikëqyrësve të sigurisë detare variojnë shumë në varësi të asaj që kërkohet në një moment të dhënë kohe.