3137Kontrollorë të procesit të prodhimit të metalit

Përshkrimi

Kontrollori i procesit të prodhimit të metalit manovron dhe vëzhgon makineritë dhe pajisjet e ndryshme multifunksionale për të kontrolluar procesin e shkrirjes dhe formëzimit të metaleve në furra, si dhe trajtimin e tyre në mullinj. Ai mund të punësohet si supervizor në fabrika të përpunimit të metaleve.

Detyrat kryesore

• Koordinojnë dhe monitorojnë veprimtaritë e një aspekti të veçantë të procesit të prodhimit të metalit nëpërmjet kontrollit të paneleve, kompjuterëve ose sistemeve të tjera të kontrollit në dhomën qendrore të kontrollit;
• Manovrojnë makineritë multifunksionale të kontrollit të proceseve kryesore për bluarjen, ndarjen, filtrimin, shkrirjen, pjekjen, trajtimin, formëzimin dhe të proceseve të tjera të metaleve;
• Vëzhgojnë raportet kompjuterike, videot e monitorimit dhe pajisjet e tjera matëse për të verifikuar kushtet e përcaktuara të procesit dhe për të bërë ndryshimet dhe rregullimet e nevojshme;
• Organizojnë dhe mbikëqyrin personelin e prodhimit si operatorët e makinerive dhe proceseve, asistentët dhe ndihmësit;
• Ndezin dhe fikin sistemin e prodhimit sipas planifikimit ose në raste emergjence;
• Planifikojnë, organizojnë dhe mbajnë trajnime për personelin e prodhimit;
• Mbajnë regjistrime për turnet e prodhimit dhe të dhëna të tjera;
• Përgatitin raporte prodhimi dhe statistika sipas nevojave dhe kërkesave nga drejtuesit;
• Respektojnë politikat e brendshme të punës dhe procedurat e hartuara nga ndërmarrja;
• Zbatojnë kodin e etikës të miratuar nga drejtuesit;
• Zbatojnë rregullat e sigurimit dhe mbrojtjes së shëndetit;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet të ketë diplomë nga një shkollë e mesme profesionale. Në disa raste diploma nga një shkollë e mesme e përgjithshme dhe eksperiencë pune disa vjeçare është gjithashtu e vlefshme.