3121Përgjegjës në minierë

Përshkrimi

Përgjegjësi në minierë merret me mbikëqyrjen e të gjithë operacioneve të punës në minierë apo gurore, bën organizimin e vogël të punës duke mbikëqyrur zbatimin e rregullave të sigurimit teknik dhe raporton te eprorët për mbarëvajtjen e punës. Ai mund të punësohet në kompani minerare të nëntokës dhe ato të sipërfaqes.

Detyrat kryesore

• Mbikëqyrin grupin e punës për kryerjen e punëve me lëndë plasëse në përputhje me rregullat e sigurimit teknik;
• Përcaktojnë dhe rekomandojnë nevojat për personel dhe materiale për aktivitetin e përditshëm në miniera apo gurore;
• Kryejnë kontrollin e të gjithë punëtorëve për mjetet ndezëse në galeri, pajisjet personale dhe maskatvetë shpëtuese, para fillimit të punës;
• Kryejnë kontrollin e gjendjes teknike të fronteve të punës, si dhe makinerive apo pajisjeve që përdoren në ndërresën e tij;
• Kontrollojnë vijën e shembjes, së bashku me minatorin e rrëzimit për të lejuar fillimin e punës në frontin përkatës;
• Zbatojnë me korrektësi urdhrin e punës të nënshkruar prej tij;
• Zbatojnë grafikën e pushimeve të punëtorëve;
• Bëjnë organizimin e vogël të punës, brenda ndërresës së tij, në përputhje me urdhrin e punës;
• Koordinojnë aktivitetin e grupeve të punës për nxjerrjen e mineraleve në përputhje me urdhrin e punës;
• Komunikojnë me personelin manaxherial dhe teknik apo departamente të tjera dhe kontraktorët për të zgjidhur problemet operacionale;
• Rekomandojnë masa për manaxherët e minierave lidhur me përmirësimin e aktivitetit;
• Hartojnë raportin ditor të punës së kryer për punëtorët e ndërresës së tij;
• Mbikëqyrin cilësinë e prodhimit në ndërresën e tij;
• Raportojnë tek drejtuesit për mbarëvajtjen e punës gjatë ndërresës së tij;
• Japin urdhër për ndalimin e punës në frontin e tij në rast të ndonjë rreziku të mundshëm;
• Realizojnë detyra të tjera të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i studimeve bachelor ose i një shkolle profesionale në këtë fushë;
• Të ketë eksperiencë pune si zjarrmëtar të paktën 3 vjet;
• Të ketë kryer një kurs formimi profesional për këtë profesion.
• Të jetë i aftë fizikisht dhe mendërisht.

Informacion shtesë

Një individ mund të hyjë në profesion si ndihmës punëtor. Me eksperiencë dhe me kualifikim shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një përgjegjës ndërrese në minierë mund të ndërmarrë disa funksione mbikëqyrëse duke ngritur shkallët e karrierës në manaxheri në një njësi prodhimi. Ndjekja e shkollës së lartë, çon në diplomimin e specialistëve të këtij profesioni në nivelin inxhinier miniere.

Punonjësit në këtë profesion mund të specializohen në fushat e mëposhtme, të tilla si: përgjegjës i njësisë së prodhimit në minierë, përgjegjës i cilësisë, përgjegjës i repartit mekanik, përgjegjës i transportit, përgjegjës i sigurimit teknik në minierë, përgjegjës guroreje etj.