2632Sociologë, antropologë dhe specialistë të tjerë të kësaj fushe

Përshkrimi

Sociologët, antropologët dhe specialistë të tjerë të kësaj fusheshqyrtojnë dhe përshkruajnë strukturën e shoqërive, origjinën dhe evoluimin e shoqërive dhe ndërvarësinë ndërmjet kushteve të mjedisit dhe aktiviteteve të njeriut. Ata këshillojnë për aplikime praktike të gjetjeve të tyre në formulimin e politikave ekonomike dhe sociale.

Detyrat kryesore

• Bëjnë studime për origjinën, zhvillimin, strukturën, modelet sociale, organizatat dhe marrëdhëniet e shoqërisë njerëzore;
• Gjurmojnë origjinën dhe zhvillimin e njerëzimit nëpërmjet studimit të ndryshimit të karakteristikave dhe institucioneve sociale dhe kulturore;
• Gjurmojnë zhvillimin e njerëzimit nëpërmjet materialeve të së shkuarës, si banesa, tempuj, mjete, enë, monedha, armë ose skulptura;
• Studiojnë aspektet fizike dhe klimaterike të zonave dhe rajoneve dhe i korelojnë këto me aktivitetet ekonomike, sociale dhe kulturore;
• Zhvillojnë teori, modele dhe metoda për të interpretuar dhe përshkruar fenomene sociale;
• Vlerësojnë vendimet politike që kanë të bëjnë me politikat sociale;
• Analizojnë dhe vlerësojnë të dhënat sociale;
• Këshillojnë për aplikimin praktik të gjetjeve në formulimin e politikave ekonomike dhe sociale për grup popullatash dhe rajone dhe për zhvillimin e tregjeve;
• Përgatitin artikuj dhe raporte akademikë;
• Bashkëpunojnë me akademikë, ekspertë dhe aktorë të tjerë;
• Realizojnë detyra të ngjashme.

Kërkesat

• Të ketë arsimin të lartë.

Informacion shtesë

Kualifikimet e mëtejshme pasuniversitare përbëjnë avantazh për punësim dhe zhvillim në karrierë.