2422Specialistë të politikave të administrimit

Përshkrimi

Specialistët e politikave të administratës zhvillojnë dhe analizojnë politika që orientojnë projektimin, zbatimin dhe modifikimin e operacioneve dhe programeve qeveritare dhe komerciale.Ata garantojnë që aktivitetet operacionale të organizatës të jenë në përputhje me politikat e saj.

Detyrat kryesore

• Diskutojnë dhe konsultohen me administratorët e programit dhe palët e tjera të interesuara për të identifikuar nevojat e politikave;
• Rishikojnë politikat ekzistuese dhe legjislacionin për të identifikuar anomalitë dhe dispozitat e vjetruara;
• Studiojnë tendencat sociale ekonomike dhe industriale dhe pritshmëritë e klientit për programet dhe shërbimet e kërkuara;
• Formulojnë dhe analizojnë mundësitë e politikave duke përgatitur dokumente prezantues dhe rekomandime për ndryshimin e politikave si dhe duke këshilluar për zgjidhjet e tyre të preferuara;
• Marrin parasysh impaktet, implikimet financiare, ndërthurjet ose përplasjet me programe të tjera dhe fisibilitetin politik dhe administrativ te politikave;
• Kryejnë vlerësime risku dhe zhvillojnë përgjigjet;
• Rishikojnë operacionet dhe programet për të siguruar vazhdimësi më politikat e organizatës;
• Informohen në çdo kohë për ndryshimet ligjore në ekonomi dhe sektorët që ndikojnë në fushën ku ata punojnë;
• Shkëmbejnë informacion dhe informojnë departamentet e tjera për politikat e organizatës;
• Rritin profesionalizmin e tyre përmes trajnimeve të vazhdueshme.

Kërkesat

• Arsim i lartë, preferohet diplome ne fushën përkatëse;
• Eksperiencë pune;
• Aftësi analitike dhe komunikuese.

Informacion shtesë

Një individ mund të nisë punë si ndihmës specialist në administratë dhe me pas me eksperiencë pune të pozicionohet si specialist i politikave te administratës. Duke qene specialist i politikave të administratës ai me vone mund te punësohet dhe si drejtues në Administratë dhe mund të marrë pozicione të ndryshme të larta publike.