2261Dentistë

Përshkrimi

Dentisti/ja diagnostikon, trajton dhe parandalon sëmundje, dëmtime, parregullsi dhe keqformime të dhëmbëve, gojës, nofullës dhe indeve të tjera të lidhura me to, duke aplikuar principet dhe procedurat e stomatolgjisë moderne. Ai/Ajo përdor një game të gjerë teknikash të specializuara diagnostike, kirurgjikale dhe të tjera për të promovuar dhe restauruar shëndetin oral. Ai/Ajo mund të punësohet në qendra spitalore, shëndetësore, në universitete, institucione kërkimore, institucione të tjera që aplikojnë shërbime dentare apo të vetë-punësohet.

Detyrat kryesore

• Diagnostikojnë sëmundje, dëmtime, parregullsi dhe keqformime të dhëmbëve, pjesëve të tjera të gojës dhe të nofullës;
• Përdorin lloje të ndryshme metodash diagnostikuese si radiografi, teste të pështymës etj.;
• Regjistrojnë historikun e të dhënave mjekësore të pacientit;
• Konsultohen me historikun e të dhënave mjekësore të pacientit për të kryer diagnostikimin e mëtejshëm;
• Ofrojnë këshilla dhe kujdes parandalues për problemet e shëndetit oral;
• Kryejnë administrimin e anestezisë për të kufizuar dhimbjet e pacientët gjatë procedurave;
• Përshkruajnë mjekime për lehtësimin e dhimbjeve pas procedurave;
• Kryejnë riparimin e dhëmbëve të dëmtuar;
• Ofrojnë kujdes oral restaurues si: implante, restaurimin e kurorës dhe ura fikse;
• Kryejnë trajtim ortodontik dhe protetike të pacientëve;
• Kryejnë trajtime kirurgjikale si: ekstraktimin e dhëmbëve, biopsi të indeve etj.;
• Marrin masat e nofullave dhe dhëmbëve të pacientëve për të përcaktuar formën dhe madhësinë e protezave dentare;
• Kryejnë dizenjimin, prodhimin dhe përshtatjen e pajisjeve protetike si: telat dentare, urat dhe protezat;
• Shkruajnë instruksione fabrikimi për teknikët e protetikës dentare;
• Restaurojnë funksionalitetin oral me anë të protezave orale fikse ose të lëvizshme;
• Asistojnë në diagnostikimin e sëmundjeve që kanë shfaqje simptomash në gojë si p.sh. diabeti;
• Edukojnë pacientët dhe familjarët mbi higjienën orale, ushqimin dhe masa të tjera të kujdesit për shëndetin oral;
• Kryejnë kërkime mbi shëndetin oral dhe shërbimet mjekësore për njerëzit;
• Përgatitin artikuj dhe raporte shkencorë;
• Informohen mbi teknikat dhe procedurat e reja të zbuluara në fushën e stomatologjisë;
• Kryejnë regjistrimin, arkivimin dhe ruajtjen e dokumentacionit mjekësor;
• Komunikojnë me profesionalizëm me eprorë, kolegë dhe të tjerë;
• Mbikëqyrin punën e higjienistëve dentare, asistentë dentare dhe personel tjetër mbështetës;
• Respektojnë politikat e brendshme dhe procedurat e hartuara nga organizata;
• Zbatojnë rregullat e sigurimit dhe mbrojtjes së shëndetit;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Kërkohet të ketë diplomë universitare
• Të jetë i regjistruar te Urdhri i Stomatologut
• Tëketë leje për ushtrim profesioni sipas kuadrit ligjor në fuqi;
• Të jetë i aftë mendërisht.

Informacion shtesë

Një individ mund të hyjë në profesion si praktikant/asistent. Më pas nëpërmjet kualifikimit të mëtejshëm me studime të thelluara dhe trajnimit nëpërmjet punës, një dentist mund të ndërmarrë disa funksione mbikëqyrëse në fushën e mjekësisë.

Për të zhvilluar aktivitet privat (vetëpunësim) në këtë fushë duhet regjistrim për ushtrim aktiviteti si person fizik apo juridik, sipas rastit.

Punonjësit në këtë profesion mund të specializohen në fushat e mëposhtme, të tilla si: dentist peridentist, kirurgji goje, pedodentist, dentist prostodentist, dentist vënie dhëmbësh, kirurg klinike dentare, përgatitës protezash, endodontist, patolog oral, stomatolog.