2240Specialistë para mjekësor

Përshkrimi

Specialisti/ja para mjekësorë jep shërbime mjekësore këshilluese, diagnostikuese, kurative dhe parandaluese për individë, me kompleksitet më të limituar se ato të kryera nga mjekët e përgjithshëm apo të specializuar. Ai/Ajo aplikon procedura terapeutike si injeksione, vaksinime, qepje dhe trajtim plagësh, manaxhim të infeksioneve për trajtimin dhe parandalimin e sëmundjeve, dëmtimeve, plagosjeve apo lloje të tjera dëmtimesh fizike ose mendore të zakonshme për komunitete specifike dhe mund të punojë në mënyrë autonome ose në mbikëqyrjen e mjekëve specialistë. Ai/Ajo mund të punësohet në qendra spitalore, shëndetësore, në institucione të ndryshme, të tjera që aplikojnë shërbime shëndetësore apo të vetë-punësohet.

Detyrat kryesore

• Kryejnë ekzaminim fizik të pacientit për të përcaktuar gjendjen shëndetësore;
• Marrin në pyetje pacientin dhe familjarë për të përcaktuar gjendjen shëndetësore;
• Regjistrojnë historikun e të dhënave mjekësore të pacientit;
• Shkëmbejnë informacione me profesionistë të tjerë shëndetësorë për të siguruar dhënien e një kujdesi mjekësor gjithëpërfshirës;
• Kryejnë procedura mjekësore dhe kirurgjikale bazike ose më të zakonshmet;
• Kryejnë përshkrimin dhe dhënien e trajtimeve, mjekimeve dhe masave të tjera kurative ose parandaluese veçanërisht për çrregullimet dhe sëmundjet më të zakonshme;
• Kryejnë ose rekomandojnë teste diagnostiko, elektrokardiogram dhe teste laboratorik;
• Kryejnë procedura terapeutike si injeksione, vaksinime, qepje dhe trajtim plagësh dhemanaxhim të infeksioneve;
• Asistojnë doktorët mjekësorë gjatë procedurave komplekse kirurgjikale;
• Monitorojnë progresin dhe përgjigjen e pacientit ndaj trajtimeve mjekësore;
• Identifikojnë shenjat dhe simptomat qe ju duhen referuar doktorëve mjekësorë;
• Këshillojnë pacientët dhe familjet mbi dietat, ushtrimet dhe zakone të tjera që ndihmojnë në parandalimin ose trajtimin e sëmundjeve ose çrregullimeve;
• Kryejnë identifikimin dhe referimin e rasteve komplekse ose të pazakonshme te mjekët specialistë, në spitale ose vende të tjera të kujdesit të specializuar;
• Raportojnë lindjet, vdekjet dhe sëmundjet që duhen regjistruar ndaj autoriteteve shtetërore duke zbatuar procedurat e duhur ligjore dhe profesionale;
• Marrin pjesë në programe për parandalimin e zhvillimit dhe shpërndarjes së sëmundjeve të zakonshme;
• Kryejnë arkivimin dhe ruajtjen e dokumentacionit, në formatin fizik dhe elektronik;
• Komunikojnë me profesionalizëm me eprorë, kolegë dhe të tjerë;
• Respektojnë politikat e brendshme dhe procedurat e hartuara nga organizata;
• Zbatojnë rregullat e sigurimit dhe mbrojtjes së shëndetit;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Kërkohet të ketë diplomë universitare;
• Të ketë leje për ushtrim profesioni sipas kuadrit ligjor në fuqi;
• Të jetë i aftë mendërisht.

Informacion shtesë

• Një individ mund të hyjë në profesion si praktikant/asistent. Më pas nëpërmjet kualifikimit të mëtejshëm me studime të thelluara dhe trajnimit nëpërmjet punës, një mjek i përgjithshëm mund të specializohet në një nga specialitetet e mjekësisë, mund të ndërmarrë disa funksione mbikëqyrëse në fushën e mjekësisë.
• Specialistët në këtë fushë duhet të kenë një diplomë universitare në mjekësi.
• Për të zhvilluar aktivitet privat (vetëpunësim) në këtë fushë duhet regjistrim për ushtrim aktiviteti si person fizik apo juridik, sipas rastit.
• Punonjësit në këtë profesion mund të specializohen në fushat e mëposhtme, të tilla si:ndihmës i kujdesit të avancuar, mjek klinike, ndihmës i kujdesit parësor, teknik kirurgjikale, asistent i shëndetit, ndihmës mjek i urgjencës.