2151Inxhinierë elektrikë

Përshkrimi

Inxhinieri elektrik është përgjegjës për mirëmbajtjen dhe përmirësimin e sistemeve dhe pajisjeve elektrike në të gjitha njësitë e biznesit të kompanisë. Inxhinieri Elektrik menaxhon grupe pune specialistësh elektrikë të përqendruara në këto njësi biznesi dhe ndihmon në zbatimin me përpikmëri të Rregullores së Sigurimit Teknik.

Detyrat kryesore

• Planifikojnë, organizojnë dhe mbikëqyrin punën e specialistëve elektrikë në secilën njësi biznesi;
• Hartojnë planin e mirëmbajtjes dhe është përgjegjës për zbatimin e këtij plani;
• Hartojnë dhe rekomandojnë ndërhyrje apo investime në sistemet aktuale elektrike në njësitë e biznesit apo në pajisje të ndryshme;
• Ndjekin ecurinë e punimeve elektrike në faza, që nga projekt-ideja, zbatim dhe kolaudim përfundimtar;
• Organizojnë dhe mbikëqyrin punën e nënkontraktorëve elektrik për t’u siguruar se të gjitha punimet po kryhen sipas parametrave të përcaktuara në projekt;
• Përgatitin ose koordinojnë të gjithë dokumentacionin e duhur tekniko–ligjor për marrjen e lejeve përkatëse në institucionet vendase;
• Rishikojnë dhe hartojnë koston e instalimeve elektrike duke përgatitur preventivin total;
• Përpilojnë dhe koordinojnë punën për përgatitjen e manualeve të mirëmbajtjes së instalimeve elektrike;
• Marrin pjesë në hartimin dhe zbatimin e rregullores së sigurimit teknik në lidhje me instalimet elektrike;
• Përgatitin dosjet për lejet në institucionet përkatëse në kohën e duhur;
• Promovojnë një praktikë të sigurt pune, duke minimizuar rreziqet në të gjitha njësitë e biznesit;
• Inspektojnë të gjithë rrjetin/pajisjet elektrike, duke përfshirë pajisjet dhe mjetet e punës dhe verifikojnë gjendjen e tyre si dhe rekomandojnë ndryshime të mundshme;
• Kontrollojnë dhe sigurojnë që forca punëtore punon duke zbatuar rregulloren e sigurimit teknik;
• Kontrollojnë dhe menaxhojnë punën e personelit nën varësi;
• Sigurojnë që specifikimet dhe dimensionet e përdorura në prodhim janë të sakta;
• Kryejnë teste performance;
• Regjistrojnë çdo defekt dhe analizojnë shkaqet e tij;
• Zbatojnë rregullat e mbrojtjes së mjedisit;
• Rritin aftësitë e veta në profesion.

Kërkesat

• Arsim i lartë, preferohet Inxhinieri elektrike;
• Aftësi komunikuese, të zotërojë etikë pune dhe integritet;
• Preferohen specializimet dhe kualifikimet e vazhdueshme.

Informacion shtesë

Një individ mund të nisë punë si teknikë të inxhinierisë elektrike. Me kryerjen e arsimit të lartë, kurseve kualifikuese mund të bëhet inxhinier. Për këtë profesion arsimi i lartë është i detyrueshëm. Ata mund të punësohen në korporatat energjetike, në hidrocentrale, në industri të ndryshme. Nëse kanë aftësi drejtuese e organizative mund të punësohen si drejtues në organizata biznesi që kanë lidhje me profesionin e tij.