2147Inxhinierë metalurgë

Përshkrimi

Inxhinierët metalurgë studiojnë, dizajnojnë dhe zhvillojnë metalet dhe komponentët e tyre, duke nxjerrë apo prodhuar njësi të vogla dhe struktura të mëdha që variojnë që nga elementë të vegjël me precizion të lartë e deri të pjesët e mëdha inxhinierike. Këshillojnë dhe studiojnë mbi aspektet metalurgjike të proceseve, materialeve dhe produkteve të veçanta.

Detyrat kryesore

• Përcaktojnë me klientin kërkesat e njësive apo makinerive që do prodhohen;
• Këshillojnë për tipat e gjithë metaleve që përdoren për qëllime të ndryshme;
• Bëjnë rekomandime dhe këshillojnë për qëndrueshmërinë e produktit;
• Ndërmarrin studime për produkt të ri;
• Krijojnë dizenjime të sakta për komponentët që kërkohen;
• Zhvillojnë zgjidhje inovative të problemeve që hasen;
• Investigojnë dobësinë e metalit, dështimin e tij apo dekompozimin e tij;
• Mbikëqyrin gjithë proceset për kontrollin e cilësisë;
• Përdorin aplikacione specifike në kompjuter për të mbikëqyrë prodhimin;
• Kryejnë analiza laboratorike të mostrave të prodhuara;
• Përdorin teknika shkatërruese dhe jo shkatërruese për të testuar kompozimin e tij;
• Investigojnë pasuritë e metaleve dhe aliazheve, zhvillojnë aliazhe të reja dhe këshillojnë për krijimin e tyre;
• Mbikëqyrin aspektet teknike të metaleve dhe prodhimit e të përpunimit të aliazheve;
• Mbikëqyrin proceset e riparimit;
• Investigojnë problemet gjatë prodhimit të metaleve;
• Monitorojnë personelin në punë;
• Respektojnë rregullat e sigurisë në punë dhe mbrojtjes së mjedisit;
• Rritin aftësitë e veta në këtë profesion.

Kërkesat

• Arsim i Larte, preferohet Inxhinieri Metalurg;
• Aftësi analitike dhe komunikuese;
• Preferohen specializime dhe kualifikime te vazhdueshme.

Informacion shtesë

Një individ mund të nisë punë si teknik i inxhinierisë së metalurgjisë. Me arsim të lartë ai mund të punësohet si inxhinier metalurgjie. Me kurse dhe kualifikime mund të marrë dhe pozicione drejtuese. Inxhinieri metalurg punësohet kryesisht në industrinë e nxjerrjes dhe përpunimit të metaleve, por dhe në industrinë kimike etj.