2144Inxhinierë mekanikë

Përshkrimi

Inxhinieri mekanik kryen studime, këshillon, dizajnon dhe drejton prodhimin e makinerive, avionëve, anijeve, impianteve mekanike dhe industriale, pajisjeve dhe sistemeve. Ai këshillon dhe drejton funksionimin e këtyre pajisjeve, mirëmbajtjen dhe riparimin. Studion dhe këshillon mbi aspektet mekanike të materialeve, proceseve apo produkteve të veçanta.

Detyrat kryesore

• Këshillojnë dhe dizajnojnë makineri dhe mjete për industrinë prodhuese, për minierat, ndërtimin, bujqësinë dhe qëllime të tjera industriale;
• Këshillojnë dhe projektojnë motorë me avull, me djegie të brendshme dhe jo elektrikë, motorë që përdoren për shtyrjen e lokomotivave të hekurudhës, motorë për mjete transporti rrugor, avionë dhe për makineri të tjera industriale;
• Këshillojnë ose dizajnojnë: konstruksione metalike, impiante mekanike dhe pajisje për çlirimin, kontrollin dhe përdorimin e energjisë, sisteme te nxehjes, ventilimit, ngrirjes, pajisje për grup timoni, pompa dhe pajisje të tjera mekanike;
• Këshillojnë dhe dizajnojnë korniza ajri, shasi dhe pajisje të tjera për avionë, si dhe sisteme ndaluese, frena, trupa makinash dhekomponentë të tjerë të mjeteve rrugore;
• Këshillojnë dhe dizajnojnë pjesë jo elektrike të aparaturave ose produkteve si procesorëWord-i, kompjuterë, instrumente të precizionit të lartë, kamera e projektorë;
• Krijojnë procedura dhe standarde kontrolli për të garantuar funksionimin efecient dhe sigurinë e makinave, makinerive, mjeteve, motorëve, impianteve industriale, pajisjeve apo sistemeve;
• Sigurojnë që pajisja, funksionimi apo mirëmbajtja të përputhen me specifikimet e projektimit dhe standardet e sigurisë;
• Monitorojnë dhe mbikëqyrin personelin;
• Zbatojnë rregullat e sigurisë në punë dhe mbrojtjes së mjedisit;
• Rritin aftësitë e veta profesionale.

Kërkesat

• Arsim i Larte, preferohet Inxhinieri Mekanike;
• Aftësi analitike dhe komunikuese;
• Preferohen specializime dhe kualifikime te vazhdueshme.

Informacion shtesë

Një individ mund të nisë punë duke përfunduar arsim profesional si teknik në inxhinierinë mekanike. Me kryerjen e arsimit të lartë ai mund të punësohet si Inxhinier Mekanik. Një inxhinier mekanik mund të punësohet në industrinë e avionëve, anijeve prodhimit të makinave, trenave etj. Me eksperiencë dhe aftësi komunikimi ai mund të kryejë dhe detyra manaxhuese e drejtuese në sektorët që kanë lidhje me profesionin e tij.

Kualifikimet pasuniversitare përbëjnë avantazh në punësim dhe zhvillim karriere.