0131Oficer me gradë të ulët

Përshkrimi

Oficerët me gradë të ulët të FA zbatojnë disiplinën ushtarake dhe Mbikëqyrin aktivitetet e atyre që janë të punësuar në forcat e armatosura, në nivele të tjera dhe/ose performojnë detyra të ngjashme si ato që performohen në një sërë pozicionesh civile jashtë Forcave të Armatosura. Ky grup përfshin të gjithë anëtarët e FA që kanë gradën Kapiten, Kapiten Lejtnant, Toger, Lejtnant, Nëntoger, Nënlejtnant.

Detyrat kryesore

• Drejtojnë dhe kontrollojnë njësitë për përmbushjen e misioneve dhe detyrave të veçanta;
• Kryejnë misione ushtarake taktike, shërbimi, stërvitor ose administrativ, sipas udhëzimeve të eprorit;
• Ndjekin procesin e kryerjes së luftimit, duke përfshirë lëvizjen, furnizimin, sulmin, mbrojtjen dhe manovrat që nevojiten për të arritur objektivat e çdo beteje ose fushe;
• Zbatojnë plane të natyrës operacionale, taktike ose të lidhura me manaxhimin e burimeve njerëzore e materiale duke arritur kryerjen me sukses të misioneve, përdorimin e burimeve njerëzore dhe materialeve të kërkuara si dhe duke respektuar afatet për kryerjen e tyre;
• Zbatojnë plane të përbashkëta operacionale për operacionet ushtarake që synojnë përmbushjen e objektivave strategjikë dhe operacionalë, brenda një territori dhe periudhe të dhënë kohe;
• Zbatojnë plane të natyrës strategjike, operacionale ose taktike dhe që përfshijnë të gjitha misionet, qëllimet dhe objektivat e caktuara, përshkrimin e detyrave e të burimeve njerëzore e materiale, të kërkuara për ekzekutimin e operacioneve nga FA, në kohë lufte;
• Urdhërojnë vartësit me shkrim, me gojë, në mënyrë elektronike ose nëpërmjet sinjaleve dhe që kanë natyrë detyruese, urdhrat e ardhur nga eprori;
• Realizojnë detyra të tjera sipas pozicionit që mbulojnë.

Kërkesat

• Të jetë vetëm shtetas shqiptar;
• Të ketë zotësi të plotë për të vepruar;
• Të përmbushë kërkesat ligjore për nivelin arsimor;
• Të ketë përputhshmëri gradë-funksion-specialitet për vendin përkatës të punës;
• Të jetë i aftë nga ana shëndetësore;
• Të mos jetë dënuar me vendim gjykate të formës së prerë për kryerjen e një krimi;
• Të jetë i pajisur me certifikatë sigurie;
• Të mos ketë filluar procedim penal ndaj tij;
• Të mos ketë konflikt interesi me detyrën ose funksionin që do të kryejë;
• Të ketë nivelin e kërkuar të Anglishtes për pozicionin e punës.