0112Drejtues të Forcave të Armatosura

Përshkrimi

Drejtuesit e nivelit të lartë të Shtabit të Përgjithshëm të FA sigurojnë lidership dhe manaxhimin e njësive organizative në FA dhe/ose performojnë detyra të ngjashme, si ato që performohen në një sërë pozicionesh civile jashtë Forcave të Armatosura. Ky grup përfshin të gjithë anëtarët e FA që kanë gradën e Gjeneral Lejtnant, Admiral, Gjeneral Major, Nënadmiral, Gjeneral Brigade, Kundëradmiral.

Detyrat kryesore

• Ndjekin dhe zbatojnë masat e gatishmërisë për mbrojtjen e vendit gjatë gjendjes së luftës;
• Ndjekin dhe realizojnë kalimin e formacioneve të FA nga organizimi i kohës së paqes në atë të luftës;
• Informojnë Presidentin e Republikës periodikisht për gjendjen dhe situatën në vend;
• Urdhërojnë kufizimin e lëvizjes së lirë, për aq kohë sa është e nevojshme, të qytetarëve në një pjesë ose në të gjithë territorin e Republikës së Shqipërisë;
• Ndjekin dhe Mbikëqyrin zbatimin dhe respektimin e ligjit të luftës në FA, si dhe përcaktojnë kompetencat dhe përgjegjësitë e vartësve të tij për zbatimin e këtij ligji;
• Organizojnë bashkëveprimin me autoritetet civile në rastet kur është në interes të operacioneve luftarake dhe përcaktojnë kompetencat për këtë bashkëpunim duke vendosur prioritetet;
• Nxjerrin urdhra – në situata të caktuara - që janë të detyrueshëm për zbatim si për autoritetet ushtarake, ashtu dhe për ato civile;
• Realizojnë detyra të tjera sipas pozicionit që mbulojnë.

Kërkesat

• Të jetë vetëm shtetas shqiptar;
• Të ketë zotësi të plotë për të vepruar;
• Të përmbushë kërkesat ligjore për nivelin arsimor;
• Të ketë përputhshmëri gradë-funksion-specialitet për vendin përkatës të punës;
• Të jetë i aftë nga ana shëndetësore;
• Të mos jetë dënuar me vendim gjykate të formës së prerë për kryerjen e një krimi;
• Të jetë i pajisur me certifikatë sigurie;
• Të mos ketë filluar procedim penal ndaj tij;
• Të mos ketë konflikt interesi me detyrën ose funksionin që do të kryejë.
• Të ketë nivelin e kërkuar të Anglishtes për pozicionin e punës.