8350Punonjës të ekuipazhit të anijeve dhe të tjerë që lidhen me to

Përshkrimi

Punëtorët e ekuipazhit të anijeve dhe punonjësit që lidhen me to kryejnë veprime të nevojshme në kuvertën e anijeve dhe detyra të tjera në bord në mënyrë artizanale me ujin.

Detyrat kryesore

• Mbikëqyrin me kujdes anijen kur ajo hyn apo lë portin për në det ose në ujëra të tjera të ngushta;
• Drejtojnë anijen sipas udhëzimeve;
• Përdorin litarët dhe lidhjen e tyre dhe veprojnë me pajisjet e ankorimit;
• Ruajnë dhe në disa raste përdorin pajisjet e anijes, pajisjet e ngarkesës, litarët, për të shpëtuar jetën nga zjarri me pajisjen e zjarrfikësve;
• Bëjnë pastrimin e kuvertës, e kruajnë, e lyejnë dhe bëjnë detyra të tjera mirëmbajtjeje ashtu siç kërkohet;
• Realizojnë shkarkimin e ngarkesës, vendosjen dhe pozicionimin e ngarkesës në vendin e duhur;
• Ndajnë litarët lidhës dhe ngarkesën e paketuar, zinxhirët ndalues dhe pajisjet lundruese;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i një shkolle profesionale në këtë fushë.
• Të ketë kryer një kurs formimi profesional për këtë profesion.
• Të jetë e/i aftë fizikisht dhe mendërisht.
• Të jetë i aftë dhe i shkathët në përdorimin e mjeteve dhe makinerive të punës.
• Të ketë njohuri në mirëmbajtjen e anijeve.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një punonjës i ekuipazhit të anijeve mund të ndërmarrë disa funksione mbikëqyrëse duke ngritur shkallët e karrierës.

Për të zhvilluar aktivitet privat (vetëpunësim) në fushën e ekuipazhit të anijeve duhet regjistrimi për ushtrim aktiviteti privat si person fizik apo juridik sipas rastit.