835Punonjës të ekuipazhit të anijeve dhe të tjerë që lidhen me to
Grup i vogël · 1 Nëngrupe
Përshkrimi
Punonjësit e ekuipazhit të anijeve dhe punonjësit që lidhen me to kryejnë veprime të nevojshme në kuvertën e anijeve, varkave apo mjete të tjera që veprojnë në ujë, si dhe detyra të tjera në bord duke zbatuar rregullat e sigurimit teknik dhe mbrojtjes së mjedisit dhe rregulloren e transportit ujor.
Detyrat kryesore
- Kryejnë vrojtime në det kur hyjnë apo lënë portin ose ujëra të tjera të ngushta;
- Drejtojnë anijen sipas udhëzimeve;
- Përdorin litarët dhe lidhjen e tyre dhe pajisjet e ankorimit;
- Ruajnë dhe përdorin pajisjet e anijes, pajisjet e ngarkesës, litarët, për të shpëtuar jetën në rast rreziku;
- Përdorin pajisje zjarrfikëse në raste zjarri në kuvertë;
- Kryejnë pastrimin e kuvertës;
- Kryejnë detyra të tjera mirëmbajtjeje, sipas procedurave të caktuara, kur kërkohet;
- Realizojnë ngarkim-shkarkimin e ngarkesës dhe vendosjen tyre në vendin e duhur;
- Ndajnë litarët lidhës dhe ngarkesën e paketuar, zinxhirët ndalues dhe pajisjet lundruese;
- Zbatojnë rregullat e sigurimit teknik dhe mbrojtjes së mjedisit;
- Zbatojnë rregulloren e transportit ujor dhe standardet ndërkombëtare të njohura.
Kërkesat
- Zakonisht kërkohet përfundimi i një shkolle profesionale në këtë fushë.
- Të ketë kryer një kurs formimi profesional për këtë profesion.
- Të jetë e/i aftë fizikisht dhe mendërisht.
- Të jetë i aftë dhe i shkathët në përdorimin e mjeteve dhe makinerive të punës.
Informacion shtesë
Një individ mund të hyjë në profesion si ndihmës punëtor. Me eksperiencë dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një punonjës i ekuipazhit të anijeve mund të ndërmarrë disa funksione mbikëqyrëse duke ngritur shkallët e karrierës.
Për të zhvilluar aktivitet privat (vetëpunësim) në fushën e ekuipazhit të anijeve duhet regjistrimi për ushtrim aktiviteti privat si person fizik apo juridik sipas rastit.
Të ketë njohuri në mirëmbajtjen e anijeve.