8321Drejtues të motoçikletave

Përshkrimi

Drejtuesi i motoçikletave kryen transportin e udhëtarëve, mallrave, postës etj. duke drejtuar një motoçikletë, triçikël, triçikël për mallra, si dhe duke u kujdesur për një transport të sigurt dhe të përshtatshëm të tyre. Ai mund të punësohet në kompani shërbimesh të ndryshme, shërbimesh transporti, shërbimesh postare apo të vetëpunësohet.

Detyrat kryesore

• Kontrollojnë dhe inspektojnë mjetin motorik para fillimit të punës;
• Drejtojnë mjetet motorike për të transportuar udhëtarë, mallra, postën etj;
• Shpërndajnë mesazhe të ndryshme, zarfe, pako, postë etj. ;
• Shpërndajnë produkte të ndryshme, të tilla si ushqim të shpejtë, gazetat, revistat etj;
• Kujdesen për transportimin sigurt të mallrave dhe udhëtarëve;
• Kontrollojnë çmimet e pagesat dhe grumbullojnë pagesat përkatëse për transportin e kryer;
• Përcaktojnë rrugën më të përshtatshme për të arritur në destinacion;
• Komunikojnë me qendrën e dërgimit dhe qytetarët, duke përdorur telefon apo radio;
• Zbatojnë rregulloren e transportit rrugor, të trafikut dhe sinjalistikën përkatëse;
• Kryejnë shërbime të mirëmbajtjes periodike të mjetit motorik;
• Pastrojnë dhe mirëmbajnë mjetin e punës dhe e lënë atë në gjendje të gatshme për punë;
• Realizojnë detyra të ngjashme;
• Mbikëqyrin punëtorët e tjerë;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Të jetë e/i pajisur me leje drejtimi (patentë e tipit A) nga organet përkatëse;
• Zakonisht kërkohet përfundimi i një shkolle profesionale në këtë fushë.
• Të ketë kryer një kurs formimi profesional për këtë profesion;
• Të jetë e/i aftë fizikisht dhe mendërisht.

Informacion shtesë

Një individ mund të hyjë në profesion si drejtues i mjeteve motorike të shkallës më të ulët. Më pas nëpërmjet kualifikimit të mëtejshëm në shkollat profesionale dhe teknike apo trajnimit nëpërmjet punës dhe kurseve përkatëse, një drejtues i motoçikletave mund të ndërmarrë disa funksione mbikëqyrëse duke ngritur shkallët e karrierës në nivel dispeçer. Ndjekja e shkollës së lartë, çon në diplomimin e specialistëve të këtij profesioni në nivelin inxhinier mekanik.

Për të zhvilluar aktivitet privat (vetëpunësim) në fushën e transportit duhet leje drejtimi për mjetin përkatës dhe regjistrimi për ushtrim aktiviteti si person fizik apo juridik, sipas rastit.

Punonjësit në këtë profesion mund të specializohen në fushat e mëposhtme, të tilla si: drejtues triçikli, drejtues triçikli për mallra, motoçiklist etj.