8212Montues të pajisjeve elektrike

Përshkrimi

Montuesit e pajisjeve elektrike montojnë ose modifikojnë sipas procedurave të parashtruara në mënyrë strikte, përbërësit elektrik dhe elektro-mekanik.

Detyrat kryesore

• Montojnë pjesët dhe sistemet elektrike, vendosin në rend, përafrojnë dhe fiksojnë njësitë në montim, nën montim ose strukturat duke përdorur duart ose mjetet elektrike, bashkimin dhe pajisjet e saldimit;
• Rishikojnë rendin e porosive, specifikat, skemat dhe vizatimet për të përcaktuar materialet e nevojshme dhe instruksionet montuese;
• Regjistrojnë prodhimin dhe të dhënat operative në format e specifikuara;
• Drejtojnë makineritë e tel-mbështjellëses në bobinë që përdoren tek pajisjet elektrike dhe elementë të tillë si regjistrat, transformatorët, telat armaturë, motorët elektrikë dhe gjeneratorët;
• Inspektojnë dhe testojnë pjesët e përfunduara dhe montuara, instalimet e kabllove dhe qarqeve dhe refuzojnë të pranojnë pjesët e montuara gabim;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Zakonisht kërkohet përfundimi i një shkolle profesionale në këtë fushë.
• Të ketë kryer një kurs formimi profesional për këtë profesion.
• Të jetë e/i aftë fizikisht dhe mendërisht.
• Të jetë i aftë dhe i shkathët në përdorimin e mjeteve dhe makinerive të punës.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një montues pajisjesh elektrike mund të ndërmarrë disa funksione mbikëqyrëse duke ngritur shkallët e karrierës.

Për të zhvilluar aktivitet privat (vetëpunësim) në fushën e montimit të pajisjeve elektrike duhet regjistrimi për ushtrim aktiviteti privat si person fizik po juridik sipas rastit.

Të ketë njohuri në montimin e pajisjeve elektrike