8132Punëtorë të makinerive të produkteve fotografike

Përshkrimi

Punëtorë të makinerive të produkteve fotografike drejtojnë dhe monitorojnë pajisjet që prodhojnë film dhe letër fotografike dhe të cilat i përpunojnë filmat e ekspozuar fotografikë dhe bëjnë printime.

Detyrat kryesore

• Drejtojnë dhe monitorojnë pajisjet që bëjnë film dhe letër fotografike;
• Drejtojnë, monitorojnë dhe testojnë pajisjen e fotografimit dhe printimit dhe ruajtjen e standardeve të punës;
• Përgatisin filmin e ekspozuar për procese të ndryshme në dhomën e errët;
• Inspektojnë imazhet, filmat, printimet dhe përshtat parametrat bazë në pajisjen printuese për të prodhuar ngjyrën, ndriçimin, kontrastin, masën dhe llojin e printimit të kërkuar;
• Përshtatin parametrat dhe funksionimin e pajisjes që zhvillojnë filmin në mënyrë automatike;
• Drejtojnë pajisjen për të transferuar një film tek një videokasetë ose në media të tjera elektronike;
• Kryejnë detyrat që lidhen me procesin fotografik;
• Drejtojnë pajisjen automatike (në dyqane të shitjes me pakicë) për të zhvilluar negativë me ngjyra, printime dhe postera;
• Komunikojnë me të tjerë;
• Zbatojnë rregullat sigurimit teknik dhe mbrojtjes së mjedisit.

Kërkesat

• Zakonisht kërkohet përfundimi i një shkolle profesionale dhe/apo një kursi formimi profesional në këtë fushë.
• Të jetë e/i aftë fizikisht dhe mendërisht.
• Të ketë njohuri në përdorimin e mjeteve dhe makinerive të kë tij profesioni.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një punonjës i makinerive të produkteve fotografike mund të ndërmarrë disa funksione mbikëqyrëse duke ngritur shkallët e karrierës.

Për të zhvilluar aktivitet privat (vetëpunësim) në fushën e makinerive të produkteve fotografike duhet regjistrimi për ushtrim aktiviteti si person fizik ose juridik, sipas rastit.

Të ketë njohuri të produkteve fotografike.