8121Punëtorë të prodhimit kabllove elektrike

Përshkrimi

Punëtorët e prodhimit të kabllove elektrike drejtojnë, monitorojnë, përshtatin, Mbikëqyrin dhe mirëmbajnë procesin e makinerisë dhe të pajisjes në prodhimin e kabllove elektrikë.

Detyrat kryesore

• Drejtojnë makinerinë thurëse me cilindra rrotullues për të prodhuar kabllo elektrikë ose litarë teli;
• Vendosin bobinën e telit në fillim duke përdorur çikrik elektrik dhe mbyllin rrotën duke përdorur gjilpërë metalike;
• Pozicionojnë rrotën dhe rregullon boshtin e shpërndarjes përgjatë bobinës;
• Vendosin fijet e telave përmes vrimave të brendshme anësore të makinave dhe nëpërmjet kokës rrotulluese e mbështjellin duke e përdorur shabllonët si udhëzues;
• Fiksojnë apo mbërthejnë telat për të lëvizur rrotën;
• Përshtatin ingranazhet për drejtimin e cilindrit rrotullues duke përdorur çelës mekanik;
• Hedhin grason në kutinë e grasos, hapin valvulat dhe i lubrifikojnë ato;
• Përshtatin freksionin për të rregulluar shpejtësinë e bobinës;
• Mbikëqyrin makinerinë për të gjetur keqfunksionimin;
• Presin telat kur gjatësia e specifikuar përfundon me fije teli me dorë ose duke përdorur çelësat mekanikë;
• Saldojnë fijet e telit fundorë që nuk janë bashkuar;
• Drejtojnë makinerinë kur ka avari duke mbyllur pjesët fundore të bashkimit në parandalimin e prerjes së litarit.

Kërkesat

• Zakonisht kërkohet përfundimi i një shkolle profesionale dhe/apo një kursi formimi profesional në këtë fushë.
• Të jetë e/i aftë fizikisht dhe mendërisht.
• Të ketë njohuri në përdorimin e mjeteve dhe makinerive që pë rdoren në kë të profil.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikimin shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një punëtor i prodhimit të kabllove elektrike mund të ndërmarrë disa funksione mbikëqyrëse duke ngritur shkallët e karrierës.

Për të zhvilluar aktivitet privat (vetëpunësim) në fushën e prodhimit të kabllove elektrike duhet regjistrimi për ushtrim aktiviteti si person fizik ose juridik, sipas rastit.

Të ketë njohuri për mirëmbajtjen e kabllove elektrike.