7221Farkëtarë dhe kovaçë

Përshkrimi

Farkëtarët dhe kovaçët bëjnë punime të ndryshme të detaleve në gjendje të nxehtë. Duke përdorur stampat ai i jep detalit forma nga më të ndryshmet sipas vizatimit të punës. Ai/ajo bën mprehjen, përgatitjen e detalit për punim mekanik, shtesat e punimit mekanik, etj. Kovaçi mund të punësohet në kompani të ndryshme, që kanë repartin e kovaçanës furrat e nxehjes së metaleve, çekiç pneumatik etj.

Detyrat kryesore

• Konsultohen me inxhinierët e repartit për detalin që do të prodhohet;
• Parapërgatitin makineritë dhe pajisjet për punë;
• Bëjnë kontrollin e transportierit të detalit nga furra në çekan;
• Bëjnë përgatitjen e mashave për të mbajtur detalin;
• Bëjnë kontrollin e vinçit transportues të detaleve nga furra në çekan dhe anasjelltas;
• Në rastet e përdorimit të stampave, bëjnë ngrohjen e tyre në temperaturën 200/250 gradë;
• Llogaritin shtesat e nevojshme në qoftë se duhen;
• Përcaktojnë temperaturën e duhur të detalit që do përpunohet;
• Bëjnë nxehjen e detalit në furrë;
• Bëjnë rrahjen e detalit me çekiç pneumatik për prodhime të vogla;
• Bëjnë rrahjen e detalit me çekiç stampues për prodhime në seri;
• Bëjnë formën e detalit sipas skicës;
• Bëjnë punime të vogla duke përdorur çekiç dore, masha etj.;
• Përdorin forxhë me eshkë ose qymyr guri për ngrohjen e detalit kur është e nevojshme;
• Bëjnë përgatitjen e pajisjeve të kontrollit si për shembull; kompaset, që përdoren për materialet e nxehta;
• Bëjnë kontrollin përfundimtar të detalit;
• Bëjnë trajtimin termik sipas llojit të metalit;
• Bëjnë normalizimin duke larguar tensionet në furra me temperaturë më të ulët;
• Dërgojnë detalin për përpunim mekanik, në se është e nevojshme;
• Bëjnë dorëzimin e detalit, me garancinë përkatëse;
• Zbatojnë rregullat e sigurimit teknik dhe të mbrojtjes së mjedisit.

Kërkesat

• Zakonisht kërkohet përfundimi i një kualifikimi profesional për këtë profesion.
• Të jetë e/i aftë fizikisht dhe mendërisht.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikim shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale dhe teknike apo trajnimit nëpërmjet punës, mund të ndërmarrë disa funksione mbikëqyrëse duke ngritur shkallët e karrierës në nivel tekniku. Ndjekja e shkollës së lartë, çon në diplomimin e specialistëve të këtij profesioni në nivelin inxhinier metalurg.

Punonjësit në këtë profesion mund të specializohen në fushat e mëposhtme, të tilla si: farkëtar, formist, axhustator.

Për të zhvilluar aktivitet privat (vetëpunësim) në fushën bujqësisë duhet regjistrimi për ushtrim aktiviteti si person fizik apo juridik, sipas rastit.