6210Punonjës të pyjeve dhe sharrëxhinj

Përshkrimi

Punonjësi i pyjeve dhe sharrëxhinj është njohës i mirë dhe zbatues i teknikave të punimeve në fushën e pyjeve, mjedisit, florës, faunës dhe kullotave. Ai është zbatues direkt i punimeve që kryhen në terren, në fushën e manaxhimit të ekonomisë pyjore dhe të trajtimit silvo-teknike të pyjeve, si dhe ato të shfrytëzimit të materialit drusor. Punëtori i pyjeve mund të punësohet në sektorët pyjor të Drejtorive të Shërbimit Pyjor të Rretheve, në Shoqatat e Përdoruesve të Pyjeve dhe Kullotave të Qeverisjes Vendore, në subjektet private apo kompanitë që kryejnë punime në pyje.

Detyrat kryesore

• Kryejnë procesin e damkimit të materialit drusor për prerje;
• Realizojnë procesin e prerjes së drurit me mjete dhe pajisje të ndryshme;
• Bëjnë pastrimin e trupit nga degët;
• Bëjnë matjet dhe asortojnë trupin sipas asortimenteve që dalin;
• Drejtojnë dhe transportojnë trupin deri në sheshin e depozitimit duke ju përshtatur kushteve të terrenit dhe skemës teknologjike të shfrytëzimit;
• Kryejnë procesin e stivimit të trupit, si dhe stivojnë drutë e zjarrit sipas përmasave të përcaktuara;
• Ndërtojnë skelën e ngarkimit të trupave;
• Ngarkojnë automjetet me materiale drusore me krahë duke përdorur skela ose me vinç;
• Ngarkojnë drutë e zjarrit;
• Realizojnë pastrimin e grumbullimin e mbeturinave për sipërfaqen e punuar;
• Kujdesen për mbrojtjen e filizave ripërtëritës të pyllit të mbjellë gjatë kryerjes së punimeve;
• Mirëmbajnë veglat dhe pajisjet e punës;
• Zbatojnë rregullat e sigurimit teknik dhe të mbrojtjes së mjedisit.

Në pyllëzime

• Përgatitin piketat për piketim;
• Realizojnë piketimin e objektit sipas skemës së paraqitur në projekt;
• Realizojnë hapjen e gropave sipas piketimit të bërë;
• Realizojnë transportin e fidanëve me krah apo mjete të tjera;
• Bëjnë përgatitjen e fidanit për mbjellje dhe e realizojnë atë;
• Kryejnë shërbime kulturore gjatë verës (prashitje, vaditje, plehërime).

Përmirësimet pyjore

• Bëjnë rrallimin e drurëve të shënuar në terren;
• Realizojnë krasitjen e degëzave që duhen hequr sipas përcaktimit të projektit;
• Presin cungjet e vjetër dhe të kalbur, që duhen hequr;
• Grumbullojnë mbeturinat në togje ose në breza sipas vijave rrushkulluese.

Sistemime malore.

• Realizojnë hapjen e themelit sipas piketimit të bërë;
• Transportojnë gurët dhe materialet e tjera të ndërtimit si rëre, çimento etj;
• Realizojnë ndërtimin e murit të pritës sipas projektit;

Fidanishte pyjore.

• Realizojnë dezinfektimi i tokës dhe farës;
• Kryejnë punimet e tokës qilizim, 25 cm si dhe nivelimin e saj;
• Bëjnë ndarjen e fidanishtes në vllaja;
• Bëjnë heqjen e vijave orientuese;
• Përgatitin tericatin (dheu përzihet me pleh);
• Mbushin qeskat me masën e përzier;
• Vendosin farat në qeskë;
• Vendosin qeskat në fidanishte;
• Ruajnë fidanishten nga dëmtuesit e ndryshëm;
• Realizojnë proceset e tjera si vaditjen, heqjen e barërave të keqi etj;

Kërkesat

• Zakonisht kërkohet përfundimi i një shkolle profesionale në këtë fushë.
• Të ketë kryer një kurs formimi profesional për këtë profesion.
• Të jetë e/i aftë fizikisht dhe mendërisht.

Informacion shtesë

Një individ mund të hyjë në profesion si ndihmës punëtor. Me fitimin e eksperiencës dhe me kualifikim shtesë mund të kalojë në nivelin punëtor i kualifikuar. Më pas nëpërmjet kualifikimit të mëtejshëm në shkollat profesionale apo trajnimit nëpërmjet punës, një punonjës pyjesh mund të ndërmarrë disa funksione mbikëqyrëse duke ngritur shkallët e karrierës në nivel tekniku. Ndjekja e shkollës së lartë, çon në diplomimin e specialistëve të këtij profesioni në agronom i lartë apo inxhinier pyjesh.

Për të zhvilluar aktivitet privat (vetëpunësim) në këtë fushë duhet regjistrimi për ushtrim aktiviteti si person fizik apo juridik, sipas rastit.

Të ketë njohuri për përdorimin e pesticideve dhe certifikatë për këtë fushë.

Të ketë njohuri për përdorimin e mjeteve dhe pajisjeve etj.

Ai mund të punësohet dhe në punë të tjera si:

• Vrojtues, sinjalizues i sëmundjeve dhe dëmtuesve dhe zjarreve që bien në pyjet dhe kullotat.
• Punëtor në zona të mbrojtura si parqe Kombëtare dhe Peizazhe Natyrore.
• Punëtor në sektorët e shfrytëzimeve pyjore nga subjekte të ndryshëm.
• Punëtor nëpër zdrukthëtari të ndryshme.
• Punëtor në përmirësimin e kullotave.
• Punëtor në drejtoritë e gjelbërimit pranë bashkive.