5212Shitës të ushqimit në rrugë

Përshkrimi

Shitës të ushqimit në rrugë shesin ushqime në favor të klientëve dhe ë sigurojnë atyre cilësi dhe pastërti të ushqimeve.

Detyrat kryesore

• Marrin leje kur duhet të shesin ushqime dhe pije në vende publike;
• Mbajnë mallra ushqimorë dhe pije me qëllim për shitje;
• Sigurojnë pastërti dhe cilësi të produkteve që tregtojnë;
• Mbajnë të dhënat (sasinë/llojshmërinë) e furnizimeve;
• Parapërgatitin apo shërbejnë në çast pije dhe ushqime për shitje;
• Ngarkojnë dhe shkarkojnë ushqime prej karrocave pedaluese, koshave dhe tabakave për transport në vendin e shitjes;
• Mbajnë përgjegjësi në raste të ankesave të klientëve për cilësinë apo higjienën;
• Sigurojnë mbajtjen e mallrave në ambiente të freskëta me temperaturë të përcaktuar në etiketën e mallit;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Të ketë një kualifikim profesional në këtë fushë.
• Të jetë e/i aftë fizikisht dhe mendërisht me zotësi të plotë juridike për të punuar.
• Të jetë e/i aftë të joshë klientët për shitjen e mallrave.
• Të ketë aftësi të mira komunikimi me blerësit.
• Të dijë të mbajë pastër duart apo pjesë të tjera të trupit që përdoren për realizimin e këtij shërbimi.
• Të jetë e/i aftë të kuptojë nevojat e klientit.
• Të mbajë pastër vendin e përcaktuar të shitjes së ushqimeve.

Informacion shtesë

Për fillimin e punës në këtë profesion preferohet një eksperiencë paraprake.

Me përkushtim, eksperienca përfitohet në kohë në këtë profesion.

Hapja e një biznesi në këtë fushë kërkon regjistrim aktiviteti në organet kompetente.