5211Shitës të tregut dhe të tezgave

Përshkrimi

Shitës në treg dhe në tezga shet produktet e tij në kioska apo rrugë ose në tregje të qendrave të banuara.

Detyrat kryesore

• Marrin leje nga organet përkatëse për të siguruar vendin ku mund të ngrenë një konstruksion të përkohshëm për shitje në rrugë, në treg dhe ambiente të tjera të hapura;
• Blejnë mallra me pakicë tek magazinat dhe prodhimet me shumicë;
• Shpalosin mallin në tezga dhe shesin produktet në kioskë;
• Sigurojnë pastërtinë e duhur dhe shërbim të kulturuar për klientët;
• Shesin në rrugë e trotuare të caktuara mallra të përdorura;
• Zbatojnë rregullat e mbrojtjes së mjedisit;
• Zbatojnë rregullat e etikës në vendin e punës.

Kërkesat

• Të ketë një kualifikim profesional në këtë fushë.
• Të jetë e/i aftë fizikisht dhe mendërisht me zotësi të plotë për të punuar.
• Të jetë e/i aftë të joshë klientët për shitjen e mallrave.
• Të ketë aftësi të mira komunikimi me blerësit.
• Të dijë të mbajë pastër vendin e shitjes së mallit.
• Të jetë e/i aftë të kuptojë nevojat e klientit.

Informacion shtesë

Sa më shumë t’i dedikohen punës, aq më shpejt fitojnë eksperiencën e duhur.

Vetëpunësimi kërkon detyrimisht regjistrim të aktivitetit në organet përkatëse.