1330Drejtues i shërbimit të teknologjisë së informacionit dhe komunikimit

Përshkrimi

Drejtuesit e teknologjisë së informacionit dhe komunikimit planifikojnë, drejtojnë dhe koordinojnë blerjen, zhvillimin, zbatimin dhe përdorimin e sistemeve kompjuterike dhe telekomunikacionit, qoftë si drejtues i një departamenti, një kompanie dhe apo një organizate që nuk ka nivele hierarkike manaxhimi.

Detyrat kryesore

• Komunikojnë me përdoruesit, manaxherët, shitësit dhe teknicienët për nevojat e aksesit për kompjuterë apo sisteme kompjuterike dhe specifikojnë teknologjinë që përmbush këto nevoja;
• Formulojnë dhe drejtojnë strategji, plane dhe politika për teknologjinë e informacionit dhe komunikimit (siç njihet TIK);
• Drejtojnë përzgjedhjen dhe instalimin e burimeve TIK dhe përgatisin ose shpjegojnë manualin e trajnimit të përdoruesit;
• Drejtojnë operacionet TIK, analizojnë fluksin e punës, vendosin prioritetet, zhvillojnë standardet dhe përcaktojnë afatet e këtyre operacioneve;
• Mbikëqyrin sigurinë e sistemeve TIK;
• Nënshkruajnë, rishikojnë, menaxhojnë dhe drejtojnë punën e analistëve të sistemit, programuesve dhe punonjësve të tjerë që kanë lidhje me kompjuterët;
• Vlerësojnë përdorimin e teknologjisë së informacionit për organizatën dhe nevojat për përmirësime, përditësime të harduerëve dhe softuerëve;
• Hartojnë dhe manaxhojnëbuxhetet, kontrollojnë shpenzimet dhe sigurojnë eficiencën e përdorimit të burimeve;
• Krijojnë dhe drejtojnë procedura operative dhe administrative;
• Mbikëqyrin përzgjedhjen, trajnimin dhe performancën e personelit;
• Përfaqësojnë organizatën në konferenca, seminare dhe takime që kanë lidhje me TIK;
• Përditësojnë njohuritë e tyre në këtë sektor që avancon me shpejtësi;
• Zbatojnë rregullat e sigurimit teknik në punë dhe rregullat e mbrojtjes së mjedisit;
• Menaxhojnë personelin e tyre mbështetës;
• Rritin aftësitë e tyre profesionale.

Kërkesat

• Preferohet arsim i lartë, por edhe me arsim të mesëm profesional mund të hyhet në profesion;
• Kurse dhe trajnime profesionale përbëjnë avantazh;
• Aftësi për të vepruar;
• Aftësi drejtuese dhe komunikuese.

Informacion shtesë

Një individ mund ta nisë punën si teknik i teknologjisë së informacionit dhe komunikimit ose TIK duke pasur vetëm arsim të mesëm. Falë kurseve profesionale dhe rritjes së njohurive dhe kualifikimeve të saj/tij, si dhe eksperiencës ajo/ai mund të punësohet si specialist i teknologjisë TIK dhe më pas edhe si drejtues i TIK.