1322Drejtues në minierë

Përshkrimi

Drejtuesit në minierë planifikojnë, drejtojnë dhe koordinojnë aktivitetet e prodhimit në minierë, përfshi gjithë operacionet e nxjerrjes së mineraleve, naftës e gazit. Ata vlerësojnë eficiencën e prodhimit dhe sugjerojnë hapjen e burimeve të reja, si dhe blerje impiantesh e pajisjesh. Zbatojnë politika me impakt sa më të vogël në ndotjen e mjedisit.

Detyrat kryesore

• Vendosin kuotat e prodhimit në bashkëpunim me manaxherët e tjerë dhe/apo aksionerët;
• Planifikojnë vendet ku do bëhen gërmimet dhe zhvillojnë politika për ndarjen e materialeve të lëndës së parë nga pjesa tjetër;
• Vlerësojnë eficiencën e zonave të prodhimit dhe sugjerojnë hapjen e burimeve të tjera;
• Planifikojnë nevojat për personel, të pajisje dhe teknologjitë që do përdoren;
• Kontrollojnë punën e personelit, bëjnë ndryshime në oraret e punës kur është e nevojshme;
• Planifikojnë detaje të aktiviteteve të prodhimit në termat e cilësisë dhe sasisë së produktit, kostos kohës së duhur dhe kërkesave për krahë pune;
• Përcaktojnë dhe manaxhojnë buxhetet, dhe përdorin burimet për të minimizuar kostot;
• Mbikëqyrin instalimin e impiantit apo pajisjeve të reja të nevojshme;
• Monitorojnë zbatimin e rregulloreve të shëndetit dhe sigurisë në punë së punëtorëve;
• Zbatojnë rregullat e mbrojtjes së mjedisit;
• Bëjnë kërkime dhe ideojnë rregullore, kërkesa statutore që kanë të bëjnë me veprimtaritë e nxjerrjes së mineraleve dhe tëmbrojtjes së mjedisit;
• Mbikëqyrin rekrutimin, përzgjedhjen, trajnimin dhe performancën e personelit;
• Kontrollojnë përgatitjen e të dhënave dhe raportimeve mbi prodhimin dhe punën e kryer;
• Raportojnë te bordi drejtues apo aksionerët e organizatës mbi punën e kryer;
• Përfaqësojnë organizatën në takime, forume ku diskutohen çështje të minierave;
• Njohin, përditësojnë njohuritë e tyre për legjislacionin në këtë sektor;
• Rritin aftësitë e tyre profesionale.

Kërkesat

• Preferohet arsim i lartë
• Aftësi drejtuese;
• Aftësi për të vepruar.

Informacion shtesë

Një individ mund ta nisë punën si punonjës i thjeshtë në minierë apo në përpunimin e mineraleve. Falë eksperiencës në punë, aftësive drejtuese mund të punësohet si drejtues në minierë. Kurset profesionale në manaxhim, kryesisht për kontrollin e buxhetit të operacioneve në minierë janë të nevojshme. Një drejtues në minierë mund të punësohet në poste të tjera, si drejtues në prodhim. Ai mund të jetë dhe përfaqësues i sindikatave të punonjësve.