112Drejtues ekzekutivë dhe manaxherë

Përshkrimi

Drejtuesit ekzekutivë dhe manaxherët përcaktojnë, përpilojnë, rishikojnë, drejtojnë drejtpërdrejtë interpretimin dhe zbatimin e politikave dhe planeve, koordinojnë dhe vlerësojë aktivitetet e përgjithshme të ndërmarrjeve apo organizatave (përveç organizatave të interesit të veçantë dhe departamenteve qeveritare) me mbështetjen e manaxherëve të tjerë, zakonisht brenda udhëzimeve të përcaktuara nga një bord i drejtorëve ose një organ qeverisës, për të cilin ata janë përgjegjës për veprimet e ndërmarra dhe rezultatet.

Detyrat kryesore

• Planifikojnë drejtimin, koordinimin e funksionimin e përgjithshëm të një ndërmarrjeje ose organizatë;
• Raportojnë në bordet e drejtorëve dhe organeve drejtuese objektivat, strategjitë, veprimtarinë dhe rezultatet e ndërmarrjes apo organizatë;
• Përcaktojnë politikat dhe programet për ndërmarrje ose organizatën;
• Sigurojnë drejtimin e përgjithshëm dhe manaxhimin e ndërmarrjes apo organizatës;
• Krijojnë dhe menaxhojnë buxhetin duke kontrolluar shpenzimet për të siguruar përdorimin efikas të burimeve njerëzore dhe financiare, materiale etj.;
• Monitorojnë dhe vlerësojnë performancën e organizatës ose ndërmarrjes, kundrejt objektivave dhe politikave të paracaktuara;
• Konsultohen me personelin e lartë apo vartës dhe koordinojnë veprimtarinë ndërmjet tyre;
• Rishikojnë veprimtarinë, rezultatet, rekomandimet dhe raportet e ndërmarrjes apo organizatës;
• Përfaqësojnë organizatën në raste zyrtare, në negociata, në konventat, seminare dhe forume;
• Zgjedhin apo miratojnë përzgjedhjen e personelit;
• Sigurojnë veprimtarinë e organizatës në përputhje me legjislacionin dhe rregulloret përkatëse;
• Promovojnë interesat e ndërmarrjes apo organizatës;
• Realizojnë detyra të ngjashme;
• Mbikëqyrin punëtorë të tjerë.

Kërkesat

• Zakonisht kërkohet përfundimi i arsimit të lartë;
• Të jetë mbi 18 vjeç;
• Të jetë i aftë fizikisht dhe mendërisht.