0311Ushtar aktiv

Përshkrimi

Ushtarët aktivë në FA zbatojnë disiplinën ushtarake dhe/ose performojnë detyra të ngjashme si ato që performohen në një sërë pozicionesh civile jashtë Forcave të Armatosura. Ky grup përfshin të gjithë anëtarët e FA që kanë gradën e Ushtarit të IV, III, II dhe I, në Forcat Tokësore/Ajrore dhe Detar të IV, III, II dhe I në Forcat Detare.

Detyrat kryesore

• Marrin pjesë në stërvitjen bazë kur janë rekrutë;
• Ndjekin udhëzimet e eprorit sipas detyrës që mbulojnë;
• Marrin pjesë në misione të caktuara ushtarake sipas nevojave të shtetit shqiptar;
• Bëhen pjesë e mobilizimit të përgjithshëm apo të pjesshëm në rast se shpallet gjendje lufte;
• Realizojnë detyra specifike sipas pozicionit që mbulojnë.

Kërkesat

• Të jetë vetëm shtetas shqiptar;
• Të ketë zotësi të plotë për të vepruar;
• Të përmbushë kërkesat ligjore për nivelin arsimor;
• Të ketë përputhshmëri gradë-funksion-specialitet për vendin përkatës të punës;
• Të jetë i aftë nga ana shëndetësore;
• Të mos ketë filluar procedim penal ndaj tij.